ჰერაკლიონი

ჰერაკლიონი, ირაკლიონი
Ηράκλειο, Irákleio
ქალაქი
	ჰერაკლიონი, ირაკლიონი; Ηράκλειο, Irákleio
	გერბი
ქვეყანა	საბერძნეთი
პერიფერია	კრეტა
კოორდინატები	35°20′00″ ჩ. გ. 25°08′00″ ა. გ. / 35.33333° ჩ. გ. 25.13333° ა. გ.
ქალაქის მერი	Vasilis Labrinos
ფართობი	120 კმ²
ცენტრის სიმაღლე	33 მეტრი
მოსახლეობა	173 993 კაცი (2011)
სიმჭიდროვე	1 450 კაცი/კმ²
სასაათო სარტყელი	UTC+2, ზაფხულში UTC+3
სატელეფონო კოდი	281
საფოსტო ინდექსი	70x xx, 71x xx, 720 xx
ოფიციალური საიტი	heraklion.gr
	ჰერაკლიონი ვიკისაწყობში

ჰერაკლიონი (ირაკლიონი; ბერძ. Ηράκλειο, Irákleio) — კრეტის ადმინისტრაციული ცენტრი და უდიდესი ქალაქი. ასევე, საბერძნეთის ერთ-ერთი უდიდესი ქალაქი. ქალაქის სიახლოვეს მდებარეობს კნოსოსის არქეოლოგიური ძეგლი.

ისტორია რედაქტირება

დაარსება რედაქტირება

თანამედროვე ქალაქი დაარსდა 824 წელს ალ-ანდალუსიიდან გამოძევებული არაბების მიერ, რომლებმაც კუნძული ბიზანტიის იმპერიას წაართვეს. მათ თავდასაცავად ქალაქის გარშემო ააგეს თხრილი, ქალაქს კი ربض الخندق (რაბად ალ-ჰანდაქი — „თხრილის ციხე”) უწოდეს. მათი ნებართვით პორტს აქტიურად იყენებდნენ მეკობრეები.

ბიზანტიური ეპოქა რედაქტირება

ბიზანტიური ეკლესია

961 წელს, ბიზანტიის ჯარები ნიკიფორე ფოკას (შემდგომში იმპერატორი) მეთაურობით კრეტაზე გადასხდნენ და ხანგრძლივი ალყის შემდეგ ქალაქი აიღეს. მათ არაბი მოსახლეობა დახოცეს, ქალაქი კი დაანგრიეს, თუმცა მოგვიანებით ხელახლა ააშენეს და ქანდაქსი (Χάνδαξ) უწოდეს. ქალაქი ბიზანტიელთა მფლობელობაში მომდევნო 243 წლის განმავლობაში რჩებოდა.

ოსმალური ეპოქა რედაქტირება

ვენეციელების შემდეგ ქალაქი ოსმალთა ხელში გადავიდა. კრეტის ომის (1645-1669) დროს ქალაქი ოსმალთა ალყაში იყო 21 წლის განმავლობაში (ერთ-ერთი ყველაზე ხანგრძლივი ბლოკადა ისტორიაში). საბოლოო ეტაპზე, რომელიც 22 თვე გაგრძელდა, 70 000 თურქი, 38 000 კრეტელი და მონა და 29 088 ქალაქის ქრისტიანი დამცველი დაიღუპა.^[2] ოტომანთა არმიამ ალბანეთის დიდი ვეზირის, ქოფრულ ფაზილ აჰმედ ფაშას მეთაურობით ქალაქი 1669 წელს დაიპყრო.