ხევა

ხევა (თურქ. Heva Dağı) — მთა საქართველოსა და თურქეთის საზღვარზე. მოქცეულია აჭარის ავტონომიური რესპუბლიკის შუახევის მუნიციპალიტეტში. წარმოადგენს შავშეთის ქედის უმაღლეს მწვერვალს. სიმაღლე ზღვის დონიდან 2812 მ. მდებარეობს მდინარეების ჩირუხისწყლისა და იმერხევის სათავეებში. აგებულია ეოცენის ვულკანოგენური წყებებით. შემორჩენილია გამყინვარების კვალი. აქა-იქ არის ქვაყრილები. შემოსილია სუბალპური და ალპური მდელოს ბალახეულით. საზაფხულო საძოვრები.

ხევა
შავშეთის ქედის ხედი ხულოდან. ცენტრში ჩანს უმაღლესი მწვერვალი ხევა.
კოორდინატები: 41°29′30″ ჩ. გ. 42°12′32″ ა. გ.
ქვეყანა	საქართველო  თურქეთი
ტერიტორიული ერთეული	შუახევის მუნიციპალიტეტი ართვინის პროვინცია
სიმაღლე	2812 მ
ქედი	შავშეთის ქედი
სურათები ვიკისაწყობში

ლიტერატურა

• ჯაყელი ქ., ქართული საბჭოთა ენციკლოპედია, ტ. 11, თბ., 1987. — გვ. 450.