შურისმაძიებლები: უსასრულობის ომი
„შურისმაძიებლები: უსასრულობის ომი“ (ინგლ. Avengers: Infinity War) — 2018 წლის ამერიკული სუპერგმირული ფილმი Marvel Comics-ის პერსონაჟების შესახებ. იგი გადაღებულია Marvel Studios-ის მიერ, ხოლო დისტრიბუტორია Walt Disney Studios Motion Pictures. ფილმი არის 2012 წლის „შურისმაძიებლების“ და 2015 წლის „ულტრონის ეპოქის“ გაგრძელება და რიგით მე-19 Marvel-ის კინოსამყაროში. მისი რეჟისორები არიან ენტონი და ჯო რუსო, ხოლო სცენარის ავტორები — კრისტოფერ მარკუსი და სტივენ მაკფილი. ფილმში ჩნდება Marvel-ის უამრავი პერსონაჟი. სიუჟეტით, შურისმაძიებლები გალაქტიკის მცველებთან ერთად ებრძვიან თანოსს, რომელიც ცდილობს უსასრულობის ქვების მოპარვას.
| „შურისმაძიებლები: უსასრულობის ომი“ | |
|---|---|
 ფილმის სატიტულო ბარათი | |
| რეჟისორი |
ენტონი რუსო ჯო რუსო |
| პროდიუსერი | კევინ ფაიგი |
| სცენარის ავტორი |
კრისტოფერ მარკუსი სტივენ მაკფილი |
| ეფუძნება | |
| როლებში |
|
| მუსიკა | ალან სილვესტრი |
| ოპერატორი | ტრენტ ოპალოქი |
| მონტაჟი | ჯეფრი ფორდი |
| სტუდია | Marvel Studios |
| დისტრიბუტორი |
Walt Disney Studios Motion Pictures |
| გამოსვლის თარიღი |
|
| ქვეყანა | აშშ |
| ენა | ინგლისური |
| ბიუჯეტი | 325–400 მილიონი აშშ დოლარი[2][3] |
| შემოსავალი | 2.052 მილიარდი აშშ დოლარი[4] |
ფილმის შესახებ ცნობილი გახდა 2014 წელს, როდესაც გამოაცხადეს მისი სახელწოდება — „შურისმაძიებლები: უსასრულობის ომი — ნაწილი 1“. ძმები რუსოები რეჟისორებად 2015 წლის აპრილში დანიშნეს, ხოლო მაისში მარკუსმა და მაკფილიმ დაიწყეს სცენარზე მუშაობა. 2016 წლის ივლისში სახელწოდება შეამოკლეს და იგი უბრალოდ „შურისმაძიებლები: უსასრულობის ომი“ გახდა. გადაღება დაიწყო 2017 წლის იანვარში, Pinewood Atlanta Studios-ში (ჯორჯია) და გაგრძელდა 2017 წლის ივლისამდე. პარალელურად მიმდინარეობდა შურისმაძიებლების შესახებ შემდეგი, ჯერ უსათაურო ფილმის გადაღებაც. დამატებითი გადაღებები მიმდინარეობდა შოტლანდიაში, ინგლისში, ატლანტის რაიონ დაუნტაუნში და ნიუ-იორკში.
„უსასრულობის ომი“ აშშ-ში კინოგაქირავებაში გამოვიდა 2018 წლის 4 მაისს, IMAX და 3D ფორმატებში. მისი გაგრძელება „შურისმაძიებლები: დასასრული“ გამოვიდა 2019 წლის აპრილში.
რესურსები ინტერნეტში რედაქტირება
სქოლიო რედაქტირება
- ↑ Person Profile // Avengers: Infinity War (2018): Technical Specifications — 1990.
- ↑ D'Alessandro, Anthony. (April 8, 2019) 'Avengers: Infinity War' Is King Of Marvel Universe (For Now) – No. 1 In 2018 Most Valuable Blockbuster Tournament. ციტირების თარიღი: April 9, 2019
- ↑ Rubin, Rebecca. (April 30, 2018) 'Avengers: Infinity War' Officially Lands Biggest Box Office Opening of All Time. ციტირების თარიღი: May 14, 2018
- ↑ Avengers: Infinity War. IMDb. ციტირების თარიღი: January 26, 2023