შონ კომბსი

შონ ჯონ კომბსი, უფრო მეტად ცნობილი ფსევდონიმით Diddy (დ. 4 ნოემბერი, 1969) — ამერიკელი პროდიუსერი, რეპერი, მსახიობი, მამაკაცის ტანსაცმლის დიზაინერი და მოცეკვავე. მას მიღებული აქვს სამი გრემის და ორი MTV-ს მუსიკალური ვიდეოდაჯილდოვების პრიზი. მისმა შემუშავებულმა ჩაცმულობის დიზაინმა მიიღო პრიზი ამერიკის მოდის დიზაინერების ყრილობაზე.

შონ კომბსი
დაბადების თარიღი	4 ნოემბერი, 1969 (1969-11-04) ჰარლემი, ნიუ-იორკი, აშშ
სხვა სახელები	Diddy P. Diddy Puff Daddy
საქმიანობა	რეპერი, მსახიობი, პროდიუსერი
აქტიური	1990–დღემდე
შვილ(ებ)ი	5
ჟანრი	ჰიპ-ჰოპი, რიტმ-ენდ-ბლუზი
ლეიბლი	Bad Boy, Interscope
ასოციაციები	Diddy – Dirty Money, მერი ჯეი ბლაიჯი, The Notorious B.I.G., ფეით ევანზი, ლილ კიმი, ჯეი-ზი, რიკ როსი

წინა წლებში იგი ცნობილი იყო Puff Daddy-სა და P. Diddy-ს სახელით. 2005 წლის აგვისტოში მისი ოფიციალური სასცენო სახელი გახდა Diddy. ამჟამად ახალ ზელანდიასა და გაერთიანებულ სამეფოში იგი კვლავ არის ცნობილი P. Diddy-ს სახელით, იმ მიზეზით, რომ ინგლისში მოცეკვავე რიჩარდ დირლავი გამოდის Diddy-ს სახელით.

შონის ბიზნესი მოიცავს შემდეგ სფეროებს: ხმისჩამწერ ფირმას Bad Boy Records, ჩაცმულობის ხაზს Sean John, კინოკომპანიას Sean by Sean Combs და ორ რესტორანს. იგი აგრეთვე იყო MTV-ს გადაცემა Making the Band-ის პროდიუსერი. პარალელურად, კომბსი აგრეთვე არის ბროდვეის თეატრის მსახიობი.

კომბსი არის ერთ-ერთი ყველაზე მდიდარი ჰიპ-ჰოპის შემსრულებელი. მისი ქონება 2006 წლის მონაცემებით შეფასებულია 346 მილიონ აშშ დოლარად. ფილმში „Notorious“ (2009), რომელიც The Notorious B.I.G.-ის ცხოვრებაზეა, იგი განასახიერა მსახიობმა დერეკ ლუკმა.

დისკოგრაფია

სოლო ალბომები

• No Way Out (1997)
• Forever (1999)
• The Saga Continues... (2001)
• We Invented the Remix Vol. 1 (2002)
• Press Play (2006)
• Last Train to Paris (2010)
• MMM (2014)
• The Love Album: Off the Grid (2023)

რესურსები ინტერნეტში

• შეგიძლიათ იხილოთ მედიაფაილები თემაზე „შონ კომბსი“ ვიკისაწყობში.
• Diddy.com
• Bad Boy Online დაარქივებული 2008-06-02 საიტზე Wayback Machine.