ფითრისებრნი
ფითრისებრნი (ლათ. Loranthaceae) — ორლებნიან მარადმწვანე მცენარეთა ოჯახი. ნახევრად პარაზიტული ბუჩქები ან ტანდაბალი ხეებია, იშვიათად ბალახები.
| ფითრისებრნი | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| მეცნიერული კლასიფიკაცია | ||||||||||||||
| ||||||||||||||
| ლათინური სახელი | ||||||||||||||
| Loranthaceae | ||||||||||||||
| ||||||||||||||
ცხოვრობენ ხეებისა და ბუჩქების ტოტებსა და ღეროზე, იშვიათად ფესვებზე. მოპირისპირედ განლაგებული მთლიანი ან ქერქისებრი ფოთლები აქვს. ყვავილები ერთსქესიანი და ორსქესიანია. ყვავილსაფარი მარტივია, განცალკევებული ან შეზრდილი. ნაყოფი კენკრაა, წებოვანი.
აერთიანებს 40-მდე გვარის 1400-მდე სახეობას, რომლებიც უმთავრესად გავრცელებულია ტროპიკებში. საქართველოში 2 გვარის 2 სახეობა — თეთრი ფითრი, რომელიც პარაზიტობს ფოთოლმცვივან და წიწვოვან მცენარეებზე, და არცეუტობიუმი — პარაზიტობს ღვიაზე.
ლიტერატურა რედაქტირება
- ლორია მ., ქართული საბჭოთა ენციკლოპედია, ტ. X, თბ., 1986. — გვ. 299.