ურცი
ურცი (ლათ. Ziziphora) — მცენარეთა გვარი ტუჩოსანთა ოჯახისა. მრავალწლოვანი ან ერთწლოვანი ბალახებია. მათი წვრილი ყვავილები შეკრებილია თავაკისებრ ან თავთავისებრ ყვავილედებად.
| ურცი | |||||||||||
|---|---|---|---|---|---|---|---|---|---|---|---|
 | |||||||||||
| მეცნიერული კლასიფიკაცია | |||||||||||
| |||||||||||
| ლათინური სახელი | |||||||||||
| Ziziphora | |||||||||||
| |||||||||||
30-მდე სახეობა გავრცელებულია ხმელთაშუაზღვისპირეთიდან ცენტრალურ აზიამდე. საქართველოში გვხვდება 7 სახეობა, მათგან 3 საქართველოს ენდემია: Ziziphora woronowii იზრდება აფხაზეთში, ალპურ სარტყელში, კირქვიანებზე; Ziziphora subnivalis — სამხრეთ ოსეთში, ალპური სარტყლის ქვიან ჩამონაზვავებზე; Ziziphora stenophylla — ქიზიყში (შირაქი), მთის ქვედა სარტყელში მშრალ ფერდობებზე. ამ გვარის თითქმის ყველა სახეობა ეთერზეთოვანი მცენარეა.
ლიტერატურა რედაქტირება
- ქართული საბჭოთა ენციკლოპედია, ტ. 10, თბ., 1986. — გვ. 182.