ტენტენი ამერიკაში
„ტენტენი ამერიკაში“ (ფრანგ. „Tintin en Amérique“) — „ტენტენის თავგადასავლების“ სერიის მესამე ტომი. ამ ნაწილში ტენტენი და მისი ძაღლი მილუ მოხვდებიან აშშ-ში, სადაც ჟურნალისტი იძიებს ჩიკაგოში ორგანიზებული დანაშაულებრივი ჯგუფების საქმიანობას. იგი მთელ ქვეყანაში დასდევს ერთ-ერთ განგსტერს და თავისი მოგზაურობისას გაიცნობს ინდიელებს.
| „ტენტენი ამერიკაში“ | |
|---|---|
| „Tintin en Amérique“ | |
 ფრანგული გამოცემის გარეკანი | |
| გამომცემელი | Le Petit Vingtième |
| გამოცემის თარიღი |
|
| სერიიდან | „ტენტენის თავგადასავლები“ |
| გვერდი |
123 (შავ-თეთრი) 62 (ფერადი) |
| გუნდი | |
| შემქმნელი(ები) | ერჟე |
| პირველი გამოცემა | |
| გამოცემის თარიღები | 3 სექტემბერი 1931 – 20 ოქტომბერი 1932 |
| ენა | ფრანგული |
| ქრონოლოგია | |
| წინა | „ტენტენი კონგოში“ (1931) |
| შემდეგი | „ფარაონის სიგარები“ (1934) |
წინა ტომის, „ტენტენი კონგოში“, გამოქვეყნების შემდეგ, ერჟე თავად ხელმძღვანელობდა აშშ-ში სპეციალუირ კვლევას, ვინაიდან სურდა ახალ მოთხრობაში აშშ-ის მხრიდან ადგილობრივი აბორიგენი მოსახლეობისადმი მოპყრობის ასახვა. „ტენტენი ამერიკაში“ ბელგიაში კომერციულად წარმატებული იყო და მალე ხელახლა დაიბეჭდა – ამჯერად საფრანგეთში. ერჟემ განაგრძო სერია „ფარაონის სიგარებით“, რამაც „ტენტენი“ ფრანკო-ბელგიური კომიქსების ტრადიციის სიმბოლოდ აქცია. 1945 წელს „ტენტენი ამერიკაში“ გამოიცა ფერადი სახით Casterman-ის მიერ, ხოლო 1973 წელს, ამერიკულ გამოცემაში, შესამჩნევი იყო რამდენიმე ცვლილებაც. 1991 წელს „ტენტენი ამერიკაში“ გამოვიდა „ტენტენის“ ანიმაციური ტელესერიალის ერთ-ერთი ეპიზოდის სახით.