სოზიგენე ალექსანდრიელი
სოზიგენე ალექსანდრიელი (ბერძ. Σωσιγένης ὁ Ἀλεξανδρεύς) — ბერძენი ასტრონომი და მათემატიკოსი, რომელმაც შეადგინა იულიუსის კალენდარი. მოღვაწეობდა ძვ. წ. I საუკუნეში.
| სოზიგენე ალექსანდრიელი | |
|---|---|
| ბერძ. Σωσιγένης ὁ Ἀλεξανδρεύς | |
| დაბ. თარიღი | ძვ. წ. I საუკუნე |
| დაბ. ადგილი | ალექსანდრია |
| გარდ. თარიღი | ძვ. წ. I საუკუნე |
| საქმიანობა | ასტრონომი, ფილოსოფოსი და მათემატიკოსი |
| განთქმული მოსწავლეები | Alexander of Aegae |
იულიუსის კალენდარი რედაქტირება
თავდაპირველად რომში გამოიყენებოდა რომაული კალენდარი. მისი უზუსტობა ყოველდღიურად დიდ სირთულეებს ქმნიდა, რის გამოც ძვ.წ. 46 წელს რომის მმართველმა, იულიუს კეისარმა, კალენდრის რეფორმირება გადაწყვიტა. ამ საქმის შესასრულებლად მან მოიწვია ბერძენი ასტრონომი სოზიგენე ალექსანდრიიდან. კალენდრის რეფორმირებისას სოზიგენე დაეყრდნო ძველეგვიპტურ კალენდარს, რომლის მიხედვით წელიწადი 365 დღისა და 6 საათისგან შედგება. სოზიგენეს შედგენილ კალენდარში წელიწადი 365 დღით განისაზღვრა და 12 თვედ დაიყო, ოთხ წელიწადში ერთხელ კი წელიწადს ერთი დღე ემატებოდა. რეფორმირებულ კალენდარს იულიუსის კალენდარი უწოდეს. მიუხედავად იმისა, რომ სიზუსტით იგი ბევრად აღემატებოდა მის წინამორბედ სისტემას, ზუსტ წელიწადს იულიუსის კალენდრის წელიწადი მაინც აღემატებოდა 11 წუთითა და 14 წამით, რაც 128 წელიწადში ერთ დღიან ცდომილებას ქმნიდა.[1]