საქსონიის შვეიცარია
საქსონიის შვეიცარია (გერმ. Sächsische Schweiz) — პლატოსებრი დაბალმთიანეთი და ეროვნული პარკი გერმანიაში, საქსონიაში, ქალაქ დრეზდენის სიახლოვეს. ჩეხეთის შვეიცარიასთან ერთად ქმნის ელბის ქვიშაქვიან მთებს. სიმაღლე 500-600 მ. უმაღლესი წერტილია მთა გროსერ-ცშირნსტაინი (562 მ). საქსონიის შვეიცარია უმთავრესად აგებულია მეზოზოური ქვიშაქვებითა და კონგლომერატებით. დანაწევრებულია მდინარე ელბითა და მისი შენაკადებით. განვითარებულია რელიეფის ეროზიული ფორმები, ზოგიერთი ადგილი მიემსგავსება შვეიცარიის ლანდშაფტს. საქსონიის შვეიცარიის ფარგლებში არის 1000-მდე ასასვლელი მთა. რაიონი პოპულარულია დრეზდენის მაცხოვრებელთა და ალპინისტებს შორის. მოიცავს საქსონიის შვეიცარიის ეროვნულ პარკს. მნიშვნელოვანი ღირსშესანიშნაობაა კენიგშტაინის ციხესიმაგრე. განვითარებულია ტურიზმი.
| საქსონიის შვეიცარია | |
|---|---|
| |
| კოორდინატები: 50°56′ ჩ. გ. 14°12′ ა. გ. / 50.933° ჩ. გ. 14.200° ა. გ. | |
| ქვეყანა |  გერმანია
|
| უმაღლესი წერტილი | გროსერ-ცშირნსტაინი |
| სიმაღლე | 562 მ |
  | |
რესურსები ინტერნეტში რედაქტირება
- საქსონიის შვეიცარიის ოფიციალური პორტალი დაარქივებული 2012-11-20 საიტზე Wayback Machine. (ინგლისური)
- საქსონიის შვეიცარია — სტატია დიდი საბჭოთა ენციკლოპედიიდან (რუსული)