საბა (ფილმი)

„საბა“ — 1929 წლის ქართული საბჭოთა, ალკოჰოლიზმის საწინააღმდეგო ფილმი, გადაღებული რეჟისორ მიხეილ ჭიაურელის მიერ. ეს იყო ჭიაურელის და მისი მეუღლის, ვერიკო ანჯაფარიძის პირველი თანამშრომლობა კინოში.

„„საბა““
კადრი ფილმიდან
ჟანრი	პროპაგანდა
დამდგმელი რეჟისორი	მიხეილ ჭიაურელი
როლებში	ვერიკო ანჯაფარიძე, ალექსანდრე ჯალიაშვილი
მხატვარი	ლადო გუდიაშვილი, დავით კაკაბაძე
სტუდია	სახკინმრეწვი
გამოსვლის თარიღი	1929
ქვეყანა	საქართველოს სსრ (სსრკ)
ენა	მუნჯი

სიუჟეტი

ყურადღება!  ქვემოთ მოყვანილია სიუჟეტის და/ან დასასრულის დეტალები.

ტრამვაის ვატმანი საბა ლოთობისგნ სულიერი გადაგვარების გზაზე დგას. ერთხელ ის შემთხვევით საკუთარ შვილს გაიტანს და მხოლოდ ამის შემდეგ უბრუნდება ნორმალურ ცხოვრებას. ფილმის ბოლოს ჩანან პიონერები, რომლებიც კუბოთი ბოთლს მიასვენებენ. საბას გამოჯანმრთელებულ შვილს უჭირავს პლაკატი „მამა, ნუ სვამ ღვინოს!“ ამ მსვლელობას სამსახურში აღდგენილი საბა ბედნიერი ღიმილით ადევნებს თვალს.

როლებში

• ალექსანდრე ჯალიაშვილი — საბა
• ვერიკო ანჯაფარიძე — მარო — საბას მეუღლე
• ანდრო ჯანუაშვილი — ვახტანგი — საბას და მაროს შვილი
• ეკა ჭავჭავაძე — პიონერთა რაზმის ხელმძღვანელი

ლიტერატურა

• ირაკლი მახარაძე, „დიადი მუნჯი“ — ბაკურ სულაკაურის გამომცემლობა, თბილისი, 2014 ISBN 978-9941-23-104-9

რესურსები ინტერნეტში

• „საბა“ — კინოფილმების ინტერნეტ-მონაცემთა ბაზა (ინგლისური)
• „საბა (ფილმი)“ [დაარქივებული] — ეროვნული ფილმოგრაფია
• „Саба“ (1929) фильм — Классика советского кино (официальный канал)