რუდოლფ უილიამ სელდრეიერსი
რუდოლფ უილიამ სელდერეიერსი (გერმ. Rodolphe William Seeldrayers. დ. 16 დეკემბერი, 1876 — გ. 5 ოქტომბერი, 1955) — „ფიფას“ მეოთხე პრეზიდენტი. თანამდებობაზე მოღვაწეობდა 1954–1955 წლებში. ბელგიის სამეფოს ქვეშევრდომი.
რუდოლფ სელდრეიერსს 25 წლის განმავლობაში ეკავა „ფიფას“ ვიცე პრეზიდენტის თანამდებობა. იგი იყო ჟიულ რიმეს მარჯვენა ხელი და მტკიცე თანამებრძოლი. 1954 წელს, მას შემდეგ რაც რიმემ უარი განაცხადა კენჭი ეყარა მომდევნო ვადით საპრეზიდენტო თანამდებობაზე, ფიფას მესაჭე გახდა ბელგიელი. მიუხედავად იმისა, რომ სელდრეიერსი მცირე დროის მონაკვეთში მართავდა ფიფას, მის მმართველბას დაემთხვა ორი დიდი შემთხვევა, ესაა: ფიფას დაარსებიდან 50 წლისთავი და ამ ორგანიზაციაში რიგით 85-ე წევრის მიღება. მისი მმართველობა ისევე მოულოდნელად დასრულდა როგორც დაიწყო. 1955 წელს გარდაიცვალა. ერთი წელი იყო ფიფას პრეზიდენტის თანამდებობაზე.