როსის ზღვა
როსის ზღვა — განაპირა ღრმა ზღვა სამხრეთის ოკეანეში, ანტარქტიდის ორ რეგიონს, ვიქტორიას მიწასა და მერი ბერდის მიწას შორის. ფართობი შეადგენს 439 000 კმ²-ს, მაქსიმალური სიღრმე 2972 მეტრს. დასავლეთით ესაზღვრება როსის კუნძული, რომელზეც მდებარეობს აქტიური ვულკანი ერებუსი, აღმოსავლეთით — რუზველტის კუნძული. ნაპირები მთაგორიანია, შეჭრილ-შემოჭრილი. თითქმის მთელი წლის განმავლობაში დაფარულია მოდრეიფე ყინულებით, ბევრია აისბერგი. წყლის საშუალო წლიური ტემპერატურა —1°С-ზე დაბალია; ზაფხულში ტემპერატურა ზოგჯერ მატულობს 2°С-მდე. მარილიანობა 33,75-34,4 ‰. დინებები ქმნიან წრებრუნვას საათის ისრის მიმართულებით. მოქცევა ნახევარდღეღამურია, სიმაღლე 1 მ-მდე. როსის ზღვაში ბინადრობს როსის სელაპი, უედელის სელაპი და ცხრაფეხაჭამია სელაპი, არის ვეშაპები. 1841 წელს აღმოაჩინა ჯეიმზ კლარკ როსმა. 1956 წელს როსის ნახევარკუნძულზე შეიქმნა აშშ-ის ანტარქტიდული ექსპედიციის ძირითადი ბაზა მაკ-მერდო, აქვე 1957 წელს შეიქმნა ახალი ზელანდიის ბაზა სკოტი, ჰალეტის კონცხზე აშშ-ისა და ახალი ზელანდიის სამეცნიერო სადგური ჰალეტი.
| როსის ზღვა | |
|---|---|
| |
| როსის ზღვა | |
| ზოგადი ინფორმაცია | |
| ოკეანის აუზი | სამხრეთის ოკეანე |
| ტიპი | განაპირა ზღვა |
| ფართობი | 439 000 კმ² |
| საშუალო სიღრმე | 677 მ |
| უდიდესი სიღრმე | 2972 მ |
| კუნძული | როსის კუნძული რუზველტის კუნძული |
| მარილიანობა | 33,75-34,4 ‰ |
| მოქცევა | ნახევარდღეღამური |
| სიმაღლე | 1 მ |
 როსის ზღვის მდებარეობა ანტარქტიდის რუკის ფონზე | |
რესურსები ინტერნეტში რედაქტირება
- როსის ზღვა — სტატია დიდი რუსული ენციკლოპედიიდან (რუსული)
- როსის ზღვა — სტატია ენციკლოპედია ბრიტანიკიდან (ინგლისური)