ოლიანტა უმალა
ოლიანტა მოისეს უმალა ტასო (ესპ. Ollanta Moisés Humala Tasso დ. 26 ივნისი, 1962) — პერუელი პოლიტიკოსი და პერუს პრეზიდენტი 2011-2016 წლებში.[1] უმალა, რომელიც წარსულში მსახურობდა როგორც სამხედრო ოფიცერი, 2006 წლის საპრეზიდენტო არჩევნებში დამარცხდა,[2] მაგრამ 2011 წლის საპრეზიდენტო არჩევნების მეორე ტურში მან დაამარცხა მოწინააღმდეგე კეიკო ფუხიმორი და არჩეულ იქნა პერუს პრეზიდენტად.
| ოლიანტა უმალა | |
 | |
| პერუს 97-ე პრეზიდენტი | |
|---|---|
| თანამდებობაზე ყოფნის დრო | |
| 28 ივლისი, 2011 – 28 ივლისი, 2016 | |
| ვიცე-პრეზიდენტი | მარისოლ ესპინოსა, ომარ ჩეადე |
| პრემიერ-მინისტრი | სალომონ ლერნერ გიტისი |
| წინამორბედი | ალან გარსია პერესი |
| მემკვიდრე | პედრო პაბლო |
| დაბადებული | 26 ივნისი, 1962 ლიმა, პერუ |
| რელიგია | კათოლიკე |
| ხელმოწერა |  |
ადვოკატ ისააკ უმალას ვაჟი პერუს არმიაში 1982 წელს შევიდა, სადაც ის გენერალ-ლეიტენანტის რანგში ამაღლდა. 1992 წელს ის მონაწილეობას იღებდა შიდა კონფლიქტში პერუს კომუნისტური პარტიის წინააღმდეგ, ხოლო სამი წლის შემდეგ სენეპას ომში ეკვადორის წინააღმდეგ. 2000 წლის ოქტომბერში, უმალა უძღვებოდა პერუს პრეზიდენტ ალბერტო ფუხიმორის წინააღმდეგ მიმართულ 39 ჯარისკაცის წარუმატებელ ამბოხს ქვეყნის სამხრეთულ ქალაქ ტაკნაში. ფუხიმორის რეჟიმის დამხობის შემდეგ, უმალას ეს მოქმედება პერუს კონგრესმა აპატია.
2005 წელს მან დააარსა პერუს ნაციონალისტური პარტია და დარეგისტრირდა 2006 წლის საპრეზიდენტო არჩევნებში. კანდიდატად ის პარტია „კავშირი პერუსთვის“ სიით წარდგა, რადგან მის ახლადშექმნილ პარტიას ამის უფლება ჯერ არ ჰქონდა. 2006 წლის 9 აპრილს, მან არჩევნების პირველი ტური გადალახა, მიიღო რა ხმების 30.62%. არჩევნების მეორე ტური 4 ივნისს გაიმართა, სადაც უმალა ხმების 47.47%-ით დამარცხდა ალან გარსიასთან, რომელსაც ამომრჩეველთა 52.62%-მა დაუჭირა მხარი. მიუხედავად მარცხისა, ამის შემდეგ უმალა პერუს პოლიტიკურ წრეებში მნიშვნელოვან ფიგურად დარჩა.
2011 წელს უმალა წარმოსდგა როგორც მემარცხენე-ცენტრისტი ლიდერი, რომლის მთავარი სურვილიც იყო შეექმნა უფრო სამართლიანი სისტემა ქვეყნის ძირითადი ბუნებრივი რესურსებიდან მიღებული კეთილდღეობის მთელს ქვეყანაზე გადანაწილებით. ასევე უცხოური ინვერტიციების მოზიდვა და ეკონომიკის ზრდა, შესაბამისად მოსახლეობის ღარიბი უმრავლესობისთვის ცხოვრების პირობების გაუმჯობესება.[3]
2017 წლის ივლისში უმალა დაკავებული იქნა პერუს ხელისუფლების მიერ კორუფციის ბრალდებით და ელის სასამართლო გარჩევას.[4]
რესურსები ინტერნეტში რედაქტირება
- Partido Nacionalista Peruano (Peruvian Nationalist Party) დაარქივებული 2012-02-02 საიტზე Wayback Machine. Official Party Website
- Biography in-depth by CIDOB Foundation
- Works by or about Ollanta Humala in libraries (WorldCat catalog) დაარქივებული 2012-01-21 საიტზე Wayback Machine.
- Ollanta Humala collected news and commentary at The New York Times
სქოლიო რედაქტირება
- ↑ Педро Пабло Кучински принес присягу при вступлении в должность президента Перу.
- ↑ The Guardian, April 11, 2011, Peru elections: Fujimori and Humala set for runoff vote
- ↑ Elecciones Generales 2011 Segunda Elección Presidencial. RESULTADOS POR ORGANIZACIÓN POLÍTICA. დაარქივებულია ორიგინალიდან — ივლისი 30, 2011. ციტირების თარიღი: June 6, 2011.
- ↑ Another former Peruvian president is sent to jail, this time as part of growing corruption scandal
| წინამორბედი: ალან გარსია პერესი |
პერუს პრეზიდენტი 2011– |
შემდეგი: — |