ნაივაშის შეთანხმება
ნაივაშის შეთანხმება (ინგლ. Naivasha agreement) — სამშვიდობო შეთანხმება, რომელსაც ხელი მოაწერეს სუდანის სახალხო განმათავისუფლებელმა მოძრაობამ და სუდანმა 2005 წელს. ხელშეკრულების შედეგად დასრულდა სუდანის მეორე სამოქალაქო ომი. გარდა ამისა, ნაივაშის ხელშეკრულების შედეგად გაინისაზღვრა სამხრეთ სუდანის დამოუკიდებლობის რეფერენდუმის თარიღი.
შეთანხმების კომპონენტები რედაქტირება
კონფლიქტის მხარეებს შორის ხელი მოეწერა შემდეგ ხელშეკრულებებს (პროტოკოლებს):
- მაჩაკოსის პროტოკოლი — ხელი მოაწერეს მაჩაკოსში, კენია, 2002 წლის 20 ივლისს.
- ხელისუფლების განაწილების პროტოკოლი — ხელი მოაწერეს ნაივაშაში, კენია, 2004 წლის 26 მაისს.
- შეთანხმება ბუნებრივი რესურსების განაწილების შესახებ — ხელი მოაწერეს ნაივაშაში, კენია, 2004 წლის 7 იანვარს.
- შეთანხმება აბიეის რაიონში კონფლიქტის დარეგულირების შესახებ — ხელი მოაწერეს ნაივაშაში, კენია, 2004 წლის 26 მაისს.
- შეთანხმება სამხრეთ კორდოფანში და ცისფერ ნილოსში კონფლიქტის დარეგულირების შესახებ — ხელი მოაწერეს ნაივაშაში, კენია, 2004 წლის 26 მაისს.
- შეთანხმება უსაფრთხოების ზომების შესახებ — ხელი მოაწერეს ნაივაშაში, კენია, 2003 წლის 25 სექტემბერს.
- შეთანხმება ცეცხლის შეწყვეტისა და რეგიონში უსაფრთხოების ზომების შესახებ — ხელი მოაწერეს ნაივაშაში, კენია, 2004 წლის 30 ოქტომბერს.
- აღსრულების შეთანხმება — ხელი მოაწერეს ნაივაშაში, კენია, 2004 წლის 31 დეკემბერს.
მხარეთა გამიჯვნის პროცესი რედაქტირება
2007 წლის 11 ოქტომბერს სუდანის სახალხო განმათავისუფლებელი მოძრაობა გავიდა სუდანის მთავრობიდან და ხარტუმი დაადანაშაულა სამშვიდობო ხელშეკრულების დარღვევაში. კერძოდ, სსგმ ამტკიცებდა, რომ მთავრობაში კვლავ დომინირებდა ეროვნული კონგრესი და 15 000 ჯარისკაცი ჯერ კიდევ იმყოფებოდა სამხრეთი სუდანის ტერიტორიაზე. თუმცა სსგმ აცხადებდა, რომ არ სურდა ომის ვითარებაში დაბრუნება[1].
2007 წლის 13 დეკემბერს, სსგმ კვლავ დაუბრუნდა სუდანის მთავრობას. ხელმოწერილი შეთანხმება ადასტურება რომ ადგილები მთავრობაში როტაციის პრინციპით გადანაწილდებოდა ჯუბასა და ხარტუმს შორის ყოველ სამ თვეში ერთხელ. ასევე მიაღწიეს შეთანხმებას ჯარების საზღვრის გასწვრივ გაყვანის შესახებ[2].
2008 წლის 8 იანვარს სუდანის შეიარაღებულმა ძალებმა საბოლოოდ დატოვეს სამხრეთი სუდანი[3].
რესურსები ინტერნეტში რედაქტირება
სქოლიო რედაქტირება
- ↑ «SUDAN: Southern pull-out threatens peace deal» დაარქივებული 2012-02-13 საიტზე Wayback Machine. , IRIN, 11 October 2007
- ↑ «Sudan to have shuttle government», BBC News, 13 December 2007
- ↑ AFP: North Sudan troops complete southern withdrawal: ex-rebels. დაარქივებულია ორიგინალიდან — 2010-09-25. ციტირების თარიღი: 2010-09-25.