მთის ზებრის ეროვნული პარკი
მთის ზებრის ეროვნული პარკი (აფრ. Nasionale Bergkwaggapark) — სამხრეთ აფრიკის რესპუბლიკის ეროვნული პარკი აღმოსავლეთი კაპლანდის პროვინციაში, რომელიც 1937 წლის ივლისში დაფუძნდა გადაშენების პირას მყოფი კაპლანდიური მთის ზებრებისთვის ბუნებრივი ნაკრძალის სახით.
| მთის ზებრის ეროვნული პარკი
Nasionale Bergkwaggapark | |
|---|---|
IUCN კატეგორია II (ეროვნული პარკი)
| |
 კაპლანდიური მთის ზებრები
| |
| მდებარეობა | აღმოსავლეთი კაპლანდი |
| ქვეყანა | სამხრეთ აფრიკის რესპუბლიკა |
| კოორდინატები | 32°11′ ს. გ. 25°37′ ა. გ. / 32.183° ს. გ. 25.617° ა. გ. |
| ფართობი | 284 კმ² |
| დაარსდა | 1937 წელი |
| ოფიციალური საიტი | ოფიციალური საიტი |
ისტორია რედაქტირება
1930 წლის დასაწყისში კაპლანდიური მთის ზებრა გადაშენების საშიშროების წინაშე დადგა. ზებრების გადასარჩენად, ეროვნული პარკების სამეურვეო საბჭომ 17,12 კმ² ტერიტორიას ნაკრძალის სტატუსი მიენიჭა. იმ დროისთვის ნაკრძალს ბინადრობდა მხოლოდ ხუთი ულაყი და ერთი ფაშატი ზებრა, რაც არ იყო საკმარისი მათი გამრავლებისთვის. 1950 წლისთვის ნაკრძალში მხოლოდ ორი ულაყი დარჩა, მაგრამ მეზობლად მცხოვრები ფერმერის, ჰ. ლ. ლომბარდის დახმარებით ზებრების პოპულაციის გადარჩენა მოხერხდა. მან ეროვნულ პარკს თავისი ფერმიდან თერთმეტი ზებრა გადასცა საჩუქრად.
1964 წლისთვის პარკის ტერიტორია 65,36 კმ²-მდე გაიზარდა და მასში მხოლოდ 24 ზებრა ბინადრობდა. ამავე წელს ეროვნულ პარკს საჩუქრად დამატებით ექვსი ზებრა გადაეცა. ამ დროიდან ზებრების რიცხვმა ზრდა დაიწყო და 140 სულამდე მიაღწია. 1975 წელს ზებრები გადაიყვანეს დასავლეთ კაპლანდში მდებარე დე ჰუპის ნაკრძალში.
1978 წლიდან ზებრების დაჭერა და ახალ საცხოვრებელ გარემოში გადასახლება ეროვნული პარკის ყოველდღიური სამუშაოს ნაწილი გახდა. 2015 წლის მონაცემებით პარკში 700-მდე ინდივიდი ბინადრობს, მათგან საშუალოდ 20 ყოველწლიურად ახალ ტერიტორიაზე გადაჰყავთ.
წლების განმავლობაში შეძენილი კერძო საკუთრებაში მყოფი ტერიტორიების ხარჯზე „მთის ზებრის ეროვნული პარკის“ ფართობი საგრძნობლად გაიზარდა და ამჟამად 284 კმ²-ს შეადგენს.
ფაუნა რედაქტირება
მთის ზებრის ეროვნული პარკის ფაუნას შეადგენენ ისეთი ძუძუმწოვრები, როგორებიცაა კარაკალი, აფრიკული კამეჩი, შავი მარტორქა, კანა, შავი გნუ, ორიქსი, კაპლანდიური მთის ზებრა, ლურჯი წერო, აფრიკული სავათი, ანტილოპა შველი და ძროხისებრი ანტილოპა.
2007 წელს პარკიში ავაზას გაშენება დაიწყო.
ტურისტული ინფრასტრუქტურა რედაქტირება
- 9 საოჯახო კოტეჯი 76 საწოლით.
- ერთი საცურაო აუზი (მხოლოდ ღამისთევით მყოფი სტუმრებისთვის).
- ერთი საკემპინგე ადგილი.
- სანიტარულ-ჰიგიენური და სამზარეულო ობიექტი ბანაკში.
- 6 სტუმარზე გათვლილი ერთი საოჯახო სასტუმრო.
- 2 სტუმარზე გათვლილი ერთი საოჯახო სასტუმრო.
- ორი ღამისგასათევი დახურული ფაცხა თითოეული 12 ადამიანზე გათვლილი (საფეხმავლო მარშრუტისთვის) 39 კილომეტრიანი საფეხმავლო ბილიკით.