მერაბ ნინიძე

მერაბ ნინიძე (დ. 3 ნოემბერი, 1965, თბილისი, საქართველოს სსრ, სსრკ) — ქართველი მსახიობი. გადაღებულია ფილმებში „მონანიება“ (1984), „არსად აფრიკაში“ (2001) და სხვა.

მერაბ ნინიძე
დაბადების სახელი	მერაბ ნინიძე
დაბადების თარიღი	3 ნოემბერი, 1965 (1965-11-03) თბილისი, საქართველოს სსრ, სსრკ საქართველო

ბიოგრაფია

მერაბ ნინიძე 1965 წლის 3 ნოემბერს დაიბადა თბილისში. 1986 წელს დაამთავრა შოთა რუსთაველის სახელობის თეატრალური ინსტიტუტის სამსახიობო ფაკულტეტი, რის შემდეგაც — 1992 წლამდე — მოღვაწეობდა შოთა რუსთაველის სახელობის აკადემიურ თეატრში.

მერაბ ნინიძის დებიუტი კინოში შედგა 1984 წელს, თენგიზ აბულაძის ფილმში „მონანიება“, რომელიც მოგვიანებით კანის კინოფესტივალის პრიზიორი გახდა. საქართველოში მან 20-ზე მეტ ფილმში ითამაშა. 1992 წელს მერაბ ნინიძე დიდ ბრიტანეთში გაემგზავრა. 1995 წლიდან კი, ის ცხოვრობს და მოღვაწეობს ავსტრიაში, ვენაში. 2001 წელს ითამაშა კაროლინა ლინკის ფილმში „არსად აფრიკაში“ გერმ. „Nirgendwo in Afrika“, რომელმაც 2003 წელს „ოსკარის“ 75-ე დაჯილოდოების ცერემონიაზე მოიპოვა ოსკარის პრემია საუკეთესო უცხოენოვანი ფილმისთვის. 2011 წლის აპრილში ლეჩეს ევროპულ კინოფესტივალზე ქართველმა მსახიობმა საუკეთესო ევროპელი მსახიობის პრიზი მიიღო მამაკაცის როლის შესრულებისთვის, რობერტ ადრიან პეჟოს ფილმში „მკვლელი კამერა“ . პირველი ავსტრიული როლი 1996 წელს გორან რებიჩის „ჰუგოფილმში“ შეასრულა. მანამდე კი იყო: „Am Rande der Welt“ („ქვეყნის დასალიერს“).

მერაბ ნინიძე ფლობს რამდენიმე უცხო ენას: ინგლისური, გერმანული, რუსული, ფრანგული. 2015 წელს თბილისში გამოიცა მარიკა ბაკურაძესთან ერთად დაწერილი მერაბ ნინიძის ავტობიოგრაფიული წიგნი „მთავარია მსახიობი არ გამოხვიდე“. ეს წიგნი იმ ემიგრანტის ავტობიოგრაფიული ჩანაწერებია ოცზე მეტი წლის წინ რომ დატოვა სამშობლო და ევროპაში იპოვა თავისი ადგილი.

ფილმოგრაფია

• 1984: „მონანიება“ (თორნიკე) რეჟ. თენგიზ აბულაძე
• 1985: „ნეილონის ნაძვის ხე“ (სიძე) რეჟ. რეზო ესაძე
• 1985: „ერთ პატარა ქალაქში“(დათო) რეჟ. გრიგოლ (გიგა) ლორთქიფანიძე
• 1986: „თემო“ (თემო) რეჟ. ლევან ზაქარეიშვილი
• 1986: „საფეხური“ (ალექსი) რეჟ. ალექსანდრე (საშა) რეხვიაშვილი
• 1986: „ორომტრიალი“ (ერეკლე) რეჟ. ლანა ღოღობერიძე
• 1987: „ფესვები“ (ტარიელი) რეჟ. ყარამან (გუგული) მგელაძე
• 1989: „მიახლოება“ (ძმა) რეჟ. ალექსანდრე (საშა) რეხვიაშვილი
• 1991: „ო, რა ტკბილია განშორების ეს ნაზი სევდა (ევრიდიკე)“ (ორფეოსი) რეჟ. ქეთი დოლიძე
• 1991: „გზაჯვარედინი“ რეჟ. ლევან კიტია
• 1992: „ანას დაბადების დღე“ რეჟ. ლია ჯოჯუა
• 1993: „ Halbe Welt“ („ნახევარი მსოფლიო“)
• 1994: „Hasenjagd – Vor lauter Feigheit gibt e skein Erbarmen“ („კურდღლებზე ნადირობა” )
• 1994: „გზა ჩალაურისაკენ“ რეჟ. აკაკი შანშიაშვილი
• 1998: „Suzie Washington“
• 1999: „Luna Papa“ („მთვარე მამა“ )
• 2000: „England!“ („ინგლისი“)
• 2001: „ Bride of the Wind“ („ქარის საცოლე“)
• 2001: „Eine mene Muh – und tot bist du“ („ერთი, ორი, მოკვდი“)
• 2002: „Bella Block – In Namen der Ehre“ („ბელა ბლოკი - ღირსების სახელით“)
• 2002: „Verlorenes Land“ („დაკარგული მიწა“) ( TV)
• 2002: „ Ein Starkes Team – kindertrume“ („ძლიერი გუნდი“) , TV სერიალი, სეზონი 1, ეპიზოდი 23
• 2003: „ფოსტალიონი“ (სოლომონი) რეჟ. ნანა ჯორჯაძე
• 2008: „მეტეოიდიოტი“ (დათო) რეჟ. ნანა ჯორჯაძე
• 2008: „მედიატორი“ (ჰითმენი) რეჟ. დიმიტრი (დიტო) ცინცაძე
• 2008: „ქაღალდის ჯარისკაცი” რეჟ. ალექსეი გერმანი
• 2011: „4 Tage im Mai“ („მაისის 4 დღე“ )
• 2011: „Mein bester Feind“ („ჩემი ძვირფასი მტერი“)
• 2012: „invasion“ („შემოჭრა“)
• 2012: „სიყვარული აქცენტით“ რეჟ. რევაზ (რეზო) გიგინეიშვილი
• 2014: „ელექტროღრუბლების ქვეშ“
• 2014: „შავი და თეთრი“ რეჟ. ევგენი შელიაკინი

ნათამაშები როლები

რუსთაველის თეატრი(მცირე თეატრი)

• „ანა ფრანკის დღიური“
• „სამანიშვილის დედინაცვალი“
• „ამაღამ მგონი იქნება ქარი“
• „ლეონსი და ლენა“
• „ჰამლეტი“

თეატრალური სარდაფი

• „ვენეციელი ვაჭარი“ რეჟ. ლევან წულაძე

რესურსები ინტერნეტში

• მერაბ ნინიძე [დაარქივებული] — ეროვნული ფილმოგრაფია
• მერაბ ნინიძე — საქართველოს ბიოგრაფიული ლექსიკონი
• მერაბ ნინიძე კინოფილმების ინტერნეტ-მონაცემთა ბაზაში