მამლუქი (ფილმი)
მამლუქი — 1958 წლის ქართული მხატვრული ფილმი. მისი რეჟისორია დავით რონდელი და გადაღებულია კონდრატე თათარაშვილის ამავე სახელწოდების რომანის მიხედვით.
| „მამლუქი“ | |
|---|---|
 | |
| ჟანრი | ისტორიული |
| დამდგმელი რეჟისორი | დავით რონდელი |
| სცენარის ავტორი | დავით რონდელი |
| ნაწარმოები |
მამლუქი — უიარაღო |
| როლებში | ოთარ კობერიძე |
| კომპოზიტორი | ანდრია ბალანჩივაძე |
| ხმის ოპერატორი | დავით ლომიძე |
| ოპერატორი | ლევ სუხოვი |
| მხატვარი | რევაზ მირზაშვილი |
| სტუდია | ქართული ფილმი |
| გამოსვლის თარიღი | 3 ნოემბერი, 1959 |
| ხანგრძლივობა | 97 წთ |
| ქვეყანა | საქართველოს სსრ |
| ენა | ქართული |
სიუჟეტი რედაქტირება
ყურადღება! ქვემოთ მოყვანილია სიუჟეტის და/ან დასასრულის დეტალები.
თანასოფლელ ბიჭებს, გოჩას და ხვიჩას მოიტაცებენ და სტამბოლის ტყვეთა ბაზარში გაყიდიან. გოჩას ვენეციელი ვაჭარი იყიდის, ხვიჩას კი — ეგვიპტელი მამლუქი. ხვიჩას მეომრად აღზრდიან და მაჰმუდს შეარქმევენ. წლების შემდეგ მაჰმუდი ჰარამხანაში დამწყვდეულ ქართველ ქალთან ერთად გაქცევას გადაწყვეტს, მაგრამ ცირას მოკლავენ. ერთ-ერთ ბრძოლაში მაჰმუდი სასიკვდილოდ დასჭრის ვენეციელ მეომარს, რომელიც ქართულად დაიკვნესებს. მაჰმუდს ბავშვობა გაახსენდება და მოკლულში ბავშვობის მეგობარ გოჩას იცნობს. მტრის ცხედართან ჩაფიქრებულ მაჰმუდს თანამებრძოლები ღალატს დასწამებენ და მოკლავენ.
როლებში რედაქტირება
- დათო დანელია — ხვიჩა
- ვ. ჯოჯუა — გოჩა
- მანანა ლონდარიძე — ცირა
- ოთარ კობერიძე — მაჰმუდი
- აკაკი ხორავა — ალი-ბეგი
- ლია ელიავა — ზეინაბი
- გიორგი შავგულიძე — ასლან-ბეგი
- დუდუხანა წეროძე — მზეხა
- მიხეილ ვაშაძე — ტაგუია
- ედიშერ მაღალაშვილი — რევია
- ბუხუტი ზაქარიაძე — მარკოზი
- ვერიკო ანჯაფარიძე — როდამი
- ზურაბ ლაფერაძე — ალი-ჰუსეინი
- ალექსანდრე გომელაური — ალი-უსუფი
- ტარიელ საყვარელიძე — ნაპოლეონ ბონაპარტე
- გურამ საღარაძე — იბრაჰიმი
- მიხეილ მგელაძე — ვეზირი
- ვლადისლავ ვაშაძე — ვენეციელი ასისთავი
- გრიგოლ კოსტავა — ზაიდოლი
- მიხეილ ჩიხლაძე — მგზავრი გემზე