იოშიჰიდე სუგა
იოშიჰიდე სუგა (იაპონ. 菅 義偉; დ. 6 დეკემბერი 1948) — იაპონელი პოლიტიკოსი და იაპონიის ყოფილი პრემიერ-მინისტრი. ის მსახურობდა იაპონიის მინისტრთა კაბინეტის გენერალურ მდივნად პრემიერ-მინისტრ შინძო აბეს კაბინეტში 2012-2020 წლებში და ასევე იკავებდა იაპონიის შინაგან საქმეთა და კომუნიკაციის მინისტრის თანამდებობას 2006-2007 წლებში.
| იოშიჰიდე სუგა იაპონ. 菅 義偉 | |
 | |
| იაპონიის 63-ე პრემიერ-მინისტრი | |
|---|---|
| თანამდებობაზე ყოფნის დრო | |
| 16 სექტემბერი, 2020 – 4 ოქტომბერი, 2021 | |
| მონარქი | ნარუჰიტო |
| წინამორბედი | შინძო აბე |
| მემკვიდრე | ფუმიო კიშიდა |
იაპონიის მინისტრთა კაბინეტის გენერალური მდივანი | |
| თანამდებობაზე ყოფნის დრო | |
| 26 დეკემბერი 2012 – 16 სექტემბერი 2020 | |
| მონარქი | აკიჰიტო → ნარუჰიტო |
| დაბადებული | 1948 წლის 6 დეკემბერი |
| მოქალაქეობა |  იაპონია |
| ეროვნება | იაპონელი |
| პოლიტიკური პარტია | ლიბერალურ-დემოკრატიული პარტია (იაპონია) |
იოშიჰიდე სუგა დაიბადა მარწყვის მომყვანი ფერმერების ოჯახში აკიტას პრეფექტურაში. საცხოვრებლად ტოკიოში გადასვლისა და უმაღლესის სკოლის დასრულების შემდეგ, მან ჩააბარა ჰოსეის უნივერსიტეტში. ჰოსეის უნივერსიტეტის სამართლის სკოლის დასრულების შემდეგ 1975 წელს იოშიჰიდე გახდა დეპუტატ ჰიკოსაბურო ოკონოგის დამხმარე. 1987 წელს სუგა აირჩიეს ქალაქ იოკოჰამას მუნიციპალურ ასამბლეაში (საკრებულოში) .[1] 1996 წელს ლიბერალურ-დემოკრატიული პარტიის სახელით კენჭი იყარა პარლამენტის არჩევნებში. კანაგავას პრეფექტურის მეორე ოლქში გამარჯვების შემდეგ, იოშიჰიდე სუგა იაპონიის პარლამენტის წევრი გახდა.
სქოლიო რედაქტირება
- ↑ „Japan’s Next Prime Minister Emerges From Behind the Curtain“. The New York Times. 14 September 2020. დაარქივებულია ორიგინალიდან — 16 September 2020. ციტირების თარიღი: 16 September 2020.