იკერ კასილიასი
იკერ კასილას ფერნანდესი (ესპ. Iker Casillas Fernández; დ. 20 მაისი 1981, მოსტოლესი, მადრიდი) — ესპანელი მეკარე. კარიერის ბოლოს იყო საფეხბურთო კლუბ „პორტუსა“ და ესპანეთის ნაკრების კაპიტანი. 2-ჯერ ევროპის ჩემპიონი (2008 და 2012) და მსოფლიოს ჩემპიონი (2010). „მადრიდის რეალის“ რიგებში მან 5-ჯერ მოიგო ლა-ლიგა, 2-ჯერ ესპანეთის თასი და 4-ჯერ დაეუფლა ესპანეთის სუპერთასს. ევროპულ და საერთაშორისო საკლუბო დონეზე იკერი 3-ჯერ გახდა ჩემპიონთა ლიგის გამარჯვებული, 2-ჯერ უეფას სუპერთასის მფლობელი და ერთხელ დაეუფლა მსოფლიო საკლუბო ჩემპიონატს[3].
 | |||
| პირადი მონაცემები | |||
|---|---|---|---|
| სრული სახელი | იკერ კასილიას ფერნანდესი | ||
| დაბადების თარიღი | 20 მაისი, 1981 | ||
| დაბადების ადგილი | მოსტოლესი, ესპანეთი | ||
| სიმაღლე | 182 სმ. | ||
| სათამაშო პოზიცია | მეკარე | ||
| საკლუბო ინფორმაცია | |||
| მიმდინარე კლუბი | კარიერა დაასრულა[1][2] | ||
| ახალგაზრდული კარიერა | |||
| 1990–1998 | რეალ მადრიდი | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 1998–1999 | რეალ მადრიდი C | 26 | (0) |
| 1999 | რეალ მადრიდი B | 4 | (0) |
| 1999–2015 | რეალ მადრიდი | 510 | (0) |
| 2015–2020 | პორტუ | 116 | (0) |
| ეროვნული ნაკრები | |||
| 1996 | ესპანეთი 15 წლ. | 1 | (0) |
| 1996–1998 | ესპანეთი 16 წლ. | 19 | (0) |
| 1997–1999 | ესპანეთი 17 წლ. | 10 | (0) |
| 1999 | ესპანეთი 18 წლ. | 4 | (0) |
| 1999 | ესპანეთი 20 წლ. | 2 | (0) |
| 1999–2000 | ესპანეთი 21 წლ. | 5 | (0) |
| 2000–2016 | ესპანეთი | 167 | (0) |
|
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 6 მარტი, 2020 | |||
იკერ კასილიასი თანამედროვეობის ერთ-ერთი საუკეთესო მეკარეა. 5-ჯერ არის დასახელებული მსოფლიოს საუკეთესო მეკარედ ფეხბურთის ისტორიისა და სტატისტიკის საერთაშორისო ფედერაციის მიერ (2008, 2009, 2010, 2011, 2012)[4], 2000 წელს ახალგაზრდა იკერ კასილიასი გახდა ბრავოს თასის მფლობელი[5], შემდეგ კი 2007/08 წლების სეზონის შემდეგ კი დაეუფლა ზამორას თასს. 2010 წელს გახდა მსოფლიოს ჩემპიონი სამხრეთ აფრიკის რესპუბლიკაში და დასახელდა ტურნირის საუკეთესო კარის დარაჯად, ამისთვის კი დააჯილდოვეს ოქროს ხელთათმანით. 6-ჯერ შევიდა უეფას მიერ დასახელებულ სიმბოლურ ნაკრებში (2007, 2008, 2009, 2010, 2011, 2012), 5-ჯერ არის შესული მსოფლიოს სიმბოლურ ნაკრებში (2008, 2009, 2010, 2011, 2012), ევროპის ჩემპიონატებზე 2008 და 2012 წელს და მსოფლიო ჩემპიონატზე 2010 წელს იკერ კასილასი მოხვდა ტურნირების სიმბოლურ ნაკრებებში[6]
იკერ კასილიასი რეკორდსმენია ესპანეთის ნაკრებში ჩატარებული შეხვედრების რაოდენობით (167 შეხვედრა).[7] ასევე მას ეკუთვნის რეკორდი კარის მშრალად შენახვისთვის, მას 73 ჩატარებულ შეხვედრაში ნაკრებში გოლი არ გაუშვია. ასევე ნაკრებში ეკუთვნის რეკორდი მოგებული შეხვედრების მიხედვით, მან ნაკრების მაისურით 95 გამარჯვება იზეიმა.
სამი ფეხბურთელიდან კასილიასი ერთ-ერთია, რომლებმაც კაპიტნის რანგში მოიგეს როგორც ჩემპიონთა ლიგა, ისე ევროპის და მსოფლიო ჩემპიონატები[8]
საკლუბო კარიერა რედაქტირება
კასილიასი დაიბადა მადრიდში 1981 წელს და მთელი თავისი კარიერა გაატარა „რეალში“, სადაც მოხვდა 8 წლის ასაკში. 1999/2000 წლების სეზონში კასილასმა თავისი წარმატებული კარიერისთვის დიდი ნაბიჯი გადადგა: მან შეცვალა ტრავმირებული ბოდო ილგნერი ჩემპიონთა ლიგის ფინალში „ვალენსიას“ წინააღმდეგ და კლუბს დიდი დახმარება გაუწია ჩემპიონთა ლიგის მოგებაში. კასილასი დაკარგა ფორმა რის გამოც მთავარი მეკარე სესარი გახდა, მაგრამ კასილიასი დაბუნდა ძირითად შემადგენლობაში, მან სწორედ ტრავმირებული სესარი შეცვალა 2002 წელს ჩემპიონთა ლიგის ფინალში. იკერი მთელი შეხვედრა შესანიშნავად გამოიყურეოდა და არაერთხელ გადაარჩინა თავისი კლუბი გაშვებულ გოლს. საბოლოოდ „რეალმა“ 2–1 სძლია მეტოქე „ბაიერ ლევერკუზენს“ და ჩემპიონთა ლიგის თასს დაეუფლა. 2002/03 წლის სეზონში კასილასი იყო „რეალის“ ძირითადის მეკარე და კლუბის ღირსება დაიცვა ჩემპიონთა ლიგის 15 თამაშში.
2003/2004 წლის სეზონში კასილიასმა გამოტოვა მხოლოდ 1 შეხვედრა. ამ წელს „რეალმა“ ვერ მოიგო ჩემპიონთა ლიგა და მხოლოდ ესპანეთის თასის ფინალში გასვლა მოახერხა.
2011/2012 წლის ჩემპიონთა ლიგის სეზონში „რეალმა“ გააღწია ნახევარფინალამდე, სადაც მისი მეტოქე „მიუნხენის ბაიერნი“ იყო. პირველ შეხვედრაში „რეალმა“ 2–1 წააგო, განმეორებით შეხვედრაში ამავე ანგარიშით მოიგო დამატებით ტაიმებში გოლი არ გასულა და თერთმეტმეტრიანების სერიით „ბაიერნი“ ფინალში გავიდა. კრიშტიანუ რონალდუმ და კაკამ ვერ გამოიყენეს თავიანთი დარტყმები, კასილიასმა ამის შემდეგ 2 ბურთის მოგერიება შეძლო და ინტრიგა დააბრუნა, თუმცა თავისი შანსი ვერ გამოიყენა სერხიო რამოსმაც და „რეალი“ ფინალში ვერ გავიდა. ამ სეზონში კი „სამეფო კლუბმა“ მოახერხა და გახდა ესპანეთის ჩემპიონი.
2012 წლის 22 დეკემბერს ლა-ლიგის მე-17 ტურში „მალაგას“ წინააღმდეგ კასილიასი პირველად დიდი ხნის მანძილზე მოხვდა სათადარიგოთა სკამზე მთავარი მწვრთნელის, ჟოზე მოურინიოს გადაწყვეტილებით. ძირითად მეკარედ ანტონიო ადანი დადგა. შეხვედრა „რეალმა“ 2–3 დათმო. შემდეგ შეხვდრაში „რეალ სოსიედადთან“[9] იკერი ისევ მწვრთნელის გადაწყვეტილებით სათადარიგოთა სკამზე დარჩა. 2013 წლის 23 იანვარს კი სათასო შეხვედრაში „ვალენსიას“ წინააღმდეგ კასილიასმა ტრავმა მიიღო, რის გამოც მას ხელზე ოპერაცია დასჭირდა. თებერვლის დასასრულს კი ცნობლილი გახდა რომ მეკარეს კიდევ ერთი თვის გამოტოვება მოუხდებოდა[10][11][12]
იკერ კასილიასი გამოიძახეს ნაკრებში 2000 წლის ევროპის ჩემპიონატისთვის, თუმცა მას მოედანზე გასლა არ მოუწია.
2 წლის შემდეგ კი კასილიასი სანტიაგო კანისარესის შემცვლელი იყო მსოფლიო ჩემპიონატში იაპონია-კორეაში. ამ ტურნირზე კანისარესმა ტრავმა მიიღო, რის გამოც ბოლო შეხვედრების თამაში ტურნიზე ახალგაზრდა მეკარეს მოუწია. მან ითამაშა პარაგვაის წინააღმდეგ შემდეგ კი ირლანდიელებთან შეხვედრაში მატჩის გმირად იქცა. პენალტებს სერიაში გამარჯვებით ესპანეთი მეოთხედფინალში გავიდა.
იკერმა ითამაშა 8 თამაში ევრო 2004-ის შესარჩევ ეტაპზე, სადაც გაუშვა 4 გოლი, ასევე იყო ძირითადის მეკარე ჯგუფურ ეტაპზე. ესპანეთმა მაშინ ჯგუფური ეტაპის დაძლევა ვერ მოახერხა.
2008 წლის ევროპის ჩემპიონატზე იყო ესპანეთის ნაკრების კაპიტანი, ტურნირზე ჩაატარა ყველა შეხვედრა და მოიგო ოქროს მედალი. 2010 წელს მსოფლიო ჩემპიონატზე ასევე იკერი იყო კაპიტანი და ამჯერადაც მოიპოვა მისმა გუნდმა ოქროს მედლები. 2012 წელს ევროპის ჩემპიონატზე ისევ იკერი იყო კაპიტანი და ამჯერადაც მისმა გუნდმა მოახერხა ჩემპიონობის მოპოვება.
2019 წლის 1 მაისს, „პორტუს“ ვარჯიშის შემდეგ კასილიასი საავადმყოფოში მოათავსეს გულის შეტევის დიაგნოზით. მოგვიანებით გავრცელდა ინფორმაცია, რომ მისი ჯანმრთელობის მდგომარეობა სტაბილურია. თვითონ კი Twitter-ზე გამოაქვეყნა სურათი წარწერით: „აქ ყველაფერი კონტროლის ქვეშაა. ძლიერ შევშინდი, მაგრამ კარგად ვარ, ყველას მადლობა შეტყობინებებისა და სიყვარულისთვის.“[13]
2020 წლის 18 თებერვალს განაცხადა პროფესიონალური ფეხბურთის დატოვების შესახებ.[14]
მიღწევები რედაქტირება
საკლუბო რედაქტირება
ესპანეთის ლა ლიგა (5): 2000–01, 2002–03, 2006–07, 2007–08, 2011-12
ესპანეთის სუპერთასი (3): 2001, 2003, 2008, 2012
უეფას ჩემპიონთა ლიგა (3): 1999-2000, 2001-02, 2013-14
უეფას სუპერთასი (2): 2002, 2014:
საერთაროშისო თასი (1): 2002
სანაკრებო რედაქტირება
უეფას 15-წლამდელთა ჩემპიონატი: 1995
უეფას 16-წლამდელთა ჩემპიონატი: 1997
უეფას მერიდიანის თასი: 1999
ფიფას ახალგაზრდების მსოფლიო ჩემპიონატი: 1999
ევროპის საფეხბურთო ჩემპიონატი (2): 2008, 2012
ფიფას 2010 წლის მსოფლიო ჩემპიონატი: 2010
ინდივიდუალური რედაქტირება
Bravo Award: 2000
Don Balón Award for Breakthrough Player of the Year: 2000
UEFA Team of the Year: 2007, 2008, 2009
ESM Team of the Year: 2007–08
Zamora Trophy: 2007–08
UEFA Euro 2008 Team of the Tournament
FIFPro World XI: 2007–08, 2008-09
IFFHS Best Goalkeeper: 2008, 2009
FIFA.com Team of the Year: 2008-09
LFP best goalkeeper: 2008–09
FIFA/Fifpro World's best goalkeeper 2008–09
FIFA World Cup Golden Glove: 2010
FIFA World Cup All-Star Team: 2010
Royal Order Gold Medal for Sports Merit: 2009–10
Favourite son of Navalacruz: 2010
Favourite son of Móstoles: 2010
რესურსები ინტერნეტში რედაქტირება
სქოლიო რედაქტირება
- ↑ Касильяс объявил о завершении карьеры.
- ↑ Лионель Месси: «Касильяс давно обеспечил себе статус легенды».. დაარქივებულია ორიგინალიდან — 2020-09-29. ციტირების თარიღი: 2020-08-07.
- ↑ The best goalkeeper in our history. ციტატა: „A Madrid legend, Iker Casillas is the best goalkeeper in Real Madrid's history and in the history of Spanish football. He arrived at the club aged 9 and wore the Whites shirt for 25 years. Throughout that time he became one of the benchmarks in the club's history, winning the respect, affection and admiration of Madrid supporters.“ წაკითხვის თარიღი: 20 იანვარი, 2020.
- ↑ The IFFHS World's Best Goalkeeper დაარქივებული 2018-06-15 საიტზე Wayback Machine. . წაკითხვის თარიღი: 20 იანვარი, 2020.
- ↑ The "Bravo" Award. José Luis Pierrend for the Rec.Sport.Soccer Statistics Foundation. წაკითხვის თარიღი: 20 იანვარი, 2020.
- ↑ adidas Golden Glove — Iker Casillas დაარქივებული 2019-03-26 საიტზე Wayback Machine. . წაკითხვის თარიღი: 20 იანვარი, 2020.
- ↑ Iker Casillas Fernández - Century of International Appearances. The outstanding Spanish 'keeper, who obtained 167 international caps with his National Team, has entered the symbolic but exclusive circle of players with a Century of Caps. Roberto Mamrud for the Rec.Sport.Soccer Statistics Foundation. 14 ივლისი, 2016. წაკითხვის თარიღი: 20 იანვარი, 2020.
- ↑ Касильяс стал третьим игроком, выигравшим Лигу чемпионов, чемпионат мира и Европы в качестве капитана. წაკითხვის თარიღი: 20 იანვარი, 2020.
- ↑ Касильяс остался в запасе "Реала" на матч с "Реалом Сосьедад". წაკითხვის თარიღი: 20 იანვარი, 2020.
- ↑ Восстановление Касильяса может затянуться на 12 недель. წაკითხვის თარიღი: 20 იანვარი, 2020.
- ↑ Чемпионат Испании. Икер Касильяс: «Я вернусь через месяц». წაკითხვის თარიღი: 20 იანვარი, 2020.
- ↑ Касильяс может вернуться в строй в течение месяца. წაკითხვის თარიღი: 20 იანვარი, 2020.
- ↑ IkerCasillas. (1 May 2019) Todo controlado por aquí, un susto grande pero con las fuerzas intactas. Muchísimas gracias a todos por los mensajes y el cariño Spanish. ციტირების თარიღი: 1 მაისი 2019
- ↑ Porto reveal Casillas retirement as he runs for RFEF presidency. Goal.com (19 თებერვალი, 2020). დაარქივებულია ორიგინალიდან — 2020-02-19. ციტირების თარიღი: 2020-05-27.