იზერი (რონის შენაკადი)
იზერი (ფრანგ. Isére) — მდინარე სამხრეთ-აღმოსავლეთ საფრანგეთში. სიგრძე 286 კმ, აუზის ფართობი 11,800 კმ². რონის მარცხენა შენაკადი. სათავე აქვს გრაის ალპებში, იტალიის საზღვარზე. ღრმა ხეობით კვეთს სავოიის ალპებს. უმეტესად საზრდოობს თოვლის წყლით. წყალდიდობა იცის გაზაფხულსა და ზაფხულში. იზერის აუზშია ჰიდროელექტროსადგური და წყალსაცავი. ქვემო დინებაში მდინარეს იყენებენ სარწყავად და სანაოსნოდ. იზერის სანაპიროზე მდებარეობს ქალაქი გრენობლი.
| იზერი | |
|---|---|
 | |
| ქვეყანა |
 საფრანგეთი |
| სათავე |
გრაის ალპები 45°26′47″ ჩ. გ. 7°05′34″ ა. გ. / 45.44639° ჩ. გ. 7.09278° ა. გ. |
| სიგრძე | 286 კმ |
| აუზის ფართობი | 11,800 კმ² |
 იზერი ვიკისაწყობში | |
ზემო დინება ზამთრის სპორტისა და ტურიზმის ცენტრია. წყლის საშუალო ხარჯი 360 მ³/წმ.
ლიტერატურა რედაქტირება
- ქართული საბჭოთა ენციკლოპედია, ტ. 5, თბ., 1980. — გვ. 96.