ზილგახოხი
მთა საქართველოში, შიდა ქართლისა და მცხეთა-მთიანეთის მხარეების ადმინისტრაციულ საზღვარზე
ზილგახოხი — მწვერვალი საქართველოში, შიდა ქართლის მხარის ჯავის მუნიციპალიტეტისა და მცხეთა-მთიანეთის მხარის ყაზბეგის მუნიციპალიტეტის ადმინისტრაციულ საზღვარზე.[1] მდებარეობს კავკასიონის მთავარ ქედზე, მდინარეების სბისა და ჭელიათისწყლის (ლიახვის აუზი) სათავეებს შორის. სიმაღლე ზღვის დონიდან 3857 მ. აგებულია ზედაიურულ-ვალანჟინური მერგელებით, კირქვებით, კონგლომერატებით, თიხაფიქლებით, ქვიშაქვებით. კალთები ციცაბოა, დამახასიათებელია სუბნივალური და ნივალური ლანდშაფტი. მწვერვალზე 1852 ავიდა რუსი გეოდეზისტი, წარმოშობით პოლონელი, გენერალ-ლეიტენანტი იოსებ ხოძკო.[2]
| ზილგახოხი | |
|---|---|
| კოორდინატები: 42°36′38″ ჩ. გ. 44°13′31″ ა. გ. / 42.6107417° ჩ. გ. 44.2253528° ა. გ. | |
| ქვეყანა |  საქართველო
|
| ტერიტორიული ერთეული | ჯავის მუნიციპალიტეტი ყაზბეგის მუნიციპალიტეტი |
| სიმაღლე | 3857 მ |
| ქედი | მაღრან-დვალეთის კავკასიონი |
| ამგებელი ქანები | მერგელი, კირქვა, კონგლომერატი, თიხაფიქალი, ქვიშაქვა |
  | |
 | |
სქოლიო რედაქტირება
- ↑ საქართველოს გეოგრაფიული სახელების ორთოგრაფიული ლექსიკონი, თბ., 2009. — გვ. 76.
- ↑ უთმელიძე მ., ენციკლოპედია „საქართველო“, ტ. 3, თბ., 2014. — გვ. 370.