ზენონი (იარაჯული)
მთავარეპისკოპოსი ზენონი (ერისკაცობაში — იმედა შოთას ძე იარაჯული; დ. 17 მარტი, 1972, თბილისი) — დმანისისა და აგარაკ-ტაშირის. კათედრა და რეზიდენცია: დმანისი.
| ზენონი | |
|---|---|
| დმანისისა და აგარაკ-ტაშირის ეპარქიის მთავარეპისკოპოსი. | |
 მეუფე ზენონი | |
| პროვინცია | ქვემო ქართლი |
| ეპარქია | დმანისისა და აგარაკ-ტაშირის ეპარქია |
| ეკლესია |
 ქართული მართლმადიდებლური ეკლესია |
| ინთრონიზაცია | 2003 |
| პირადი მონაცემები | |
| საერო სახელი | იმედა იარაჯული |
| დაბადების თარიღი | 17 მარტი, 1972 |
| ეროვნება | ქართველი |
| რელიგია | მართლმადიდებლობა |
ბიოგრაფია რედაქტირება
იმედა იარაჯულმა 1992 წელს დაამთავრა თბილისის სასულიერო სემინარია და 1993 წლის 14 აგვისტოს ბერად აღიკვეცა. 1993 წლის 19 აგვისტოს დიაკვნად აკურთხეს, ხოლო 1993 წლის 25 ოქტომბერს მღვდლად. 1994 წლის 10 ნოემბერს გახდა იღუმენი და ამავდროულად სიღნაღის სასულიერო სასწავლებლის რექტორი. 1995-1996 წლებში თბილისის სასულიერო სემინარიისა და აკადემიის პრორექტორი იყო. 1996-1997 წლებში კი გაიარა რომის ორიენტალისტური ინსტიტუტი. 1998 წელს გახდა სრულიად საქართველოს კათოლიკოს-პატრიარქის მდივანი. 1998 წლიდან 2002 წლამდე იყო საქართველოს საპატრიარქოს საფინანსო-ეკონომიკური განყოფილების თავმჯდომარე. თბილისის მამა-დავითის ტაძარს წინამძღვრობდა 2000 წლიდან 2002 წლამდე. 2001 წლის 16 ივნისს გახდა არქიმანდრიტი. 2002-2003 წლებში სვეტიცხოვლის წინამძღვარი იყო. 2003 წლის 18 აგვისტოს ეპისკოპოსად გამოარჩიეს და 31 აგვისტოს მოხდა კურთხევა სვეტიცხოვლის საპატრიარქო ტაძარში. მას ჩაბარდა დმანისის ეპარქია. ამავე წელს მეუფე ზენონი გახდა ფაზისის მეცნიერებათა აკადემიის პრეზიდიუმის წევრი. 2004 წელს საბერძნეთის მართლმადიდებელი ეკლესიის უმაღლესი ორდენით და ედიტერანიის ბერძნული სამიტროპოლიტოს ორდენით დააჯილდოვეს ათენში. 2005 წლიდან დმანისის ეპარქიას დაემატა აგარაკ-ტაშირის მხარე დღევნდელ სომხეთში, ხოლო 2009 წლიდან მეუფე ზენონს დიდი ბრიტანეთისა და ირლანდიის ეპარქიაც ჩააბარეს. ამავე წელს გახდა გაერთიანებული სამეფოსა და ირლანდიის პან-ორთოდოქსული საეპისკოპოსო ასამბლეის წევრი. 2010 წელს დაჯილდოვდა საქართველოს მართლმადიდებელი ეკლესიის უმაღლეს ორდენით. 2011 წელს კი აღყვანილ იქნა მთავარეპისკოპოსის ხარისხში.
2022 წლის 16 ნოემბერს საქართველოს კათოლიკოს-პატრიარქის ბრძანებით, 15 ნოემბერს შემდგარი სინოდალური კომისიის საფუძველზე მთავარეპისკოპოსი ზენონი გადაყენებულ იქნა დიდი ბრიტანეთისა და ირლანდიის ეპარქიის ხელმძღვანელობიდან[1]. 2023 წლის 14 თებერვალს საქართველოს ეკლესიის წმინდა სინოდის სხდომამ, საქართველოს ეკლესიის დიდი ბრიტანეთისა და ირლანდიის ეპარქიაში განვითარებულ მოვლენებზე მოისმინა სრულიად საქართველოს კათოლიკოს-პატრიარქის წინადადება და დაადგინა: - დიდი ბრიტანეთისა და ირლანდიის ეპარქიის ზედამხედველობა დროებით გადაიბაროს სრულიად საქართველოს კათოლიკოს-პატრიარქმა; ხოლო მაღალყოვლადუსამღვდელოესი მთავარეპისკოპოსი ზენონი (იარაჯული) დარჩეს დმანისისა და ლორე-ტაშირის ეპარქიის მმართველ მღვდელმთავრად[2].