ერისწყალი
მდინარე საქართველოში, აფხაზეთის ავტონომიურ რესპუბლიკაში
ერისწყალი, დიდი ერისწყალი — მდინარე აფხაზეთის ავტონომიური რესპუბლიკის გალის მუნიციპალიტეტში, ოქუმის მარცხენა შენაკადი. სიგრძე 75 კმ, აუზის ფართობი 296 კმ². იწყება ოხაჩქუეს კარსტული მასივის სამხრეთ-აღმოსავლეთ კალთის ძირში, ზღვის დონიდან 560 მ-ზე. საზრდოობს წვიმისა და მიწისქვეშა კარსტული წყლებით, გაზაფხულზე იცის ხანმოკლე წყალდიდობა, წელიწადის სხვა დროს — წყალმოვარდნები. საშუალო წლიური ხარჯი შესართავთან 12,0 მ³/წმ. ერისწყლის შენაკადია რთომისწყალი, პატარა ერისწყალი და სხვა. ერისწყალზე, სოფელ რეჩხთან, აგებულია გალის წყალსაცავი.
| ერისწყალი | |
|---|---|
| სხვა სახელი | დიდი ერისწყალი |
| ქვეყანა |
 საქართველო |
| ტერიტორიული ერთეულები | გალის მუნიციპალიტეტი (აფხაზეთის ავტონომიური რესპუბლიკა) |
| სათავე | 42°43′26″ ჩ. გ. 41°56′22″ ა. გ. / 42.723889° ჩ. გ. 41.939583° ა. გ. |
| სათავის სიმაღლე | 560 მ |
| შესართავი |
ოქუმი 42°38′22″ ჩ. გ. 41°43′24″ ა. გ. / 42.639667° ჩ. გ. 41.723500° ა. გ. |
| სიგრძე | 75 კმ |
| აუზის ფართობი | 296 კმ² |
| წყლის ხარჯი (საშ.) | 12,0 მ³/წმ |
     — სათავე,  — შესართავი | |
ლიტერატურა რედაქტირება
- აფხაზავა ი., ენციკლოპედია „საქართველო“, ტ. 3, თბ., 2014. — გვ. 66.