გიორგი მარგველაშვილი
გიორგი მარგველაშვილი (დ. 4 სექტემბერი, 1969, თბილისი) — ქართველი პოლიტიკოსი და ფილოსოფოსი. საქართველოს მე-4 პრეზიდენტი 2013 წლის 17 ნოემბრიდან 2018 წლის 16 დეკემბრამდე. საქართველოს პრეზიდენტის მოვალეობის შესრულებას ინაუგურაციის შემდეგ, იმავე წლის 17 ნოემბერს შეუდგა. 2013 წლის მაისში უპარტიო გიორგი მარგველაშვილი მმართველმა კოალიციამ „ქართულმა ოცნებამ“ პრეზიდენტობის კანიდადატად დაასახელა, რომელმაც დამაჯერებლად გაიმარჯვა ხმათა 62,18 %-ით. მისი წარსული დაკავშირებულია პოლიტიკასთან, საზოგადოებრივ და საგანმანათლებლო საქმიანობასთან.
| გიორგი მარგველაშვილი | |
.jpg) გიორგი მარგველაშვილი | |
 საქართველოს მე-4 პრეზიდენტი  | |
|---|---|
| თანამდებობაზე ყოფნის დრო | |
| 17 ნოემბერი 2013 – 16 დეკემბერი, 2018 | |
| პრემიერ-მინისტრი | ბიძინა ივანიშვილი ირაკლი ღარიბაშვილი გიორგი კვირიკაშვილი მამუკა ბახტაძე |
| წინამორბედი | მიხეილ სააკაშვილი |
| მემკვიდრე | სალომე ზურაბიშვილი |
| თანამდებობაზე ყოფნის დრო | |
| 25 ოქტომბერი, 2012 – 18 ივლისი, 2013 | |
| პრეზიდენტი | მიხეილ სააკაშვილი |
| პრემიერ-მინისტრი | ბიძინა ივანიშვილი |
| წინამორბედი | ხატია დეკანოიძე |
| მემკვიდრე | თამარ სანიკიძე |
| დაბადებული | 4 სექტემბერი, 1969 თბილისი, საქართველოს სსრ, სსრკ |
| მოქალაქეობა | საქართველო |
| ეროვნება | ქართველი |
| პოლიტიკური პარტია | ქართული ოცნება (ყოფილი) |
| მეუღლე | მაკა ჩიჩუა |
| შვილები | ანა მარგველაშვილი, თეიმურაზ მარგველაშვილი, თომა მარგველაშვილი |
| განათლება | თბილისის სახელმწიფო უნივერსიტეტი ცენტრალური ევროპის უნივერსიტეტი (Central European University) |
| სამეცნიერო ხარისხი | ფილოსოფიის დოქტორი |
| პროფესია | ფილოსოფოსი, ფსიქოლოგი, სოციოლოგი, პედაგოგი |
| საქმიანობა | პოლიტიკოსი |
| რელიგია | მართლმადიდებელი |
| ხელმოწერა |  |
| საიტი | ოფიციალური საიტი |
2012 წლის ოქტომბრის საპარლამენტო არჩევნებში ოპოზიციური კოალიციის გამარჯვების შემდეგ „ქართული ოცნების“ მთავრობასთან შეერთებამდე, გიორგი მარგველაშვილი ცნობილი იყო, როგორც პოლიტიკური ექსპერტი. მას ათ წელზე მეტ ხანს ეკავა სხვადასხვა, მათ შორის, რექტორის თანამდებობა საქართველოს საზოგადოებრივ საქმეთა ინსტიტუტში (GIPA), რომელიც წამყვანი უმაღლესი განათლების ცენტრია სახელმწიფო მართვის, სამართლის, საერთაშორისო ურთიერთობებისა და ჟურნალისტიკის მიმართულებით.[1]
ბიოგრაფია რედაქტირება
გიორგი მარგველაშვილი დაიბადა 1969 წლის 4 სექტემბერს ქალაქ თბილისში, მამამისის, ინჟინერის — თეიმურაზ მარგველაშვილისა და დედამისის, ფსიქოლოგის — მზეანა გომელაურის ოჯახში.[2] დაამთავრა თბილისის N1 საჯარო სკოლა. იგი, აგრეთვე, სწავლობდა რუსულ სკოლაში სირიაში, სადაც მისი მშობლები სამსახურეობრივ მივლინებაში იმყოფებოდნენ.[2] 1987-1992 წლებში სწავლობდა ივანე ჯავახიშვილის სახელობის თბილისის სახელმწიფო უნივერსიტეტში. აქვს პედაგოგის სერტიფიკატი. 1993-1994 წლებში სწავლობდა ცენტრალური ევროპის უნივერსიტეტში (Central European University), დიპლომის შემდგომ კურსზე სოციოლოგიაში (პრაღა, ჩეხეთი).[3] მუშაობდა: 1992-1995 წლებში ტურისტული კომპანიაში სამთო ტურიზმის გიდად;[3] 1994-1995 წლებში „ბიზნეს დღიურების“ მარკეტინგის დეპარტამენტის უფროსად; 1996-1997 წლებში იყო თბილისის დამოუკიდებელი უნივერსიტეტის ლექტორი ფილოსოფიასა და კულტურაში.[4] ხოლო 1995-2000 წლებში საერთაშორისო ურთიერთობების ეროვნულ დემოკრატიული ინსტიტუტის ადგილობრივი ხელმძღვანელობის სპეციალისტი — პროგრამის კონსულტანტი. 1998 წელს მიენიჭა დოქტორის ხარისხი ფილოსოფიაში.
2000-2006 და 2010-2012 წლებში საზოგადოებრივ საქმეთა ინსტიტუტის რექტორი. 2006-2010 წლებში საქართველოს საზოგადოებრივ საქმეთა ინსტიტუტის კვლევითი დეპარტამენტის უფროსი.[5]
გაცემული ჯილდოები რედაქტირება
გიორგი მარგველაშვილმა საპრეზიდენტო უფლებამოსილების განხორციელების 5-წლიან პერიოდში სახელმწიფო ჯილდოებით სულ 767 ადამიანს გადასცა:[6]
- ეროვნული გმირის ორდენი — 3 (მარო მაყაშვილი, მამია ალასანია, გურამ გაბესკირია);
- თამარ მეფის ორდენი — 1 (ირინა ენუქიძე);
- ოქროს საწმისის ორდენი — 25;
- წმინდა გიორგის სახელობის გამარჯვების ორდენი — 26;
- ბრწყინვალების საპრეზიდენტო ორდენი — 52;
- წმინდა ნიკოლოზის ორდენი — 4;
- ვახტანგ გორგასლის I ხარისხის ორდენი — 78;
- ვახტანგ გორგასლის II ხარისხის ორდენი — 107;
- ვახტანგ გორგასლის III ხარისხის ორდენი — 95;
- ღირსების ორდენი — 225;
- მედალი „სამოქალაქო თავდადებისათვის“ — 10;
- მედალი „მხედრული მამაცობისათვის“ — 46;
- მედალი „საბრძოლო დამსახურებისათვის“ — 19;
- ღირსების მედალი — 7 ადამიანი.
პოლიტიკა რედაქტირება
მარგველაშვილი, პირველად, პოლიტიკურ ასპარეზზე 2003 წელს გამოჩნდა, როდესაც ზურაბ ჟვანიას მოწვევით, შეუერთდა ოპოზიციურ ბლოკს „ბურჯანაძე—დემოკრატები“.[7] იგი პარტიის საარჩევნო სიის ათეულში შედიოდა.[8] თუმცაღა ვარდების რევოლუციის შემდეგ, რომელიც არჩევნების გაყალბებას მოჰყვა, „ბურჯანაძე—დემოკრატები“ „ერთიან ნაციონალურ მოძრაობასთან“ გაერთიანდა, ხოლო მარგველაშვილმა დატოვა პოლიტიკა.[9]
2011 წლიდან უკვე აქტიურად ჩაერთო პოლიტიკაში. გამოდიოდა ბიძინა ივანიშვილისა და „ქართული ოცნების“ მხარდამჭერად. საპარლამენტო არჩევნებში კოალიციის გამარჯვების შემდეგ, 2012 წლის 25 ოქტომბერს დაინიშნა განათლების მინისტრად. 2013 წლის თებერვალში, დაინიშნა პირველ ვიცე-პრემიერად. 2013 წლის ოქტომბრის პრეზიდენტობის კანდიდატად დასახელების გამო, საკუთარი სურვილით დატოვა თანამდებობა. 2013 წლის 11 მაისს კოალიცია ქართულმა ოცნებამ პრეზიდენტობის კანდიდატად დაასახელა[10]. არჩევნებში მონაწილეობის გამო გიორგი მარგველაშვილმა დატოვა მინისტრის პოსტი 2013 წლის 18 ივლისს. 27 ოქტომბერს გამართულ საპრეზიდენტო არჩევნებში მან ხმათა 62% მიიღო და არჩეულ იქნა საქართველოს პრეზიდენტად.
2018 წლის არჩევნები რედაქტირება
ლატვიის ყოფილ პრეზიდენტთან, ვალდის ზატლერსისთან ერთად გამართულ სტუდენტებთან და აკადემიური წრეების წარმომადგენლებთან საჯარო შეხვედრაზე, გიორგი მარგველაშვილმა არჩევნებში მონაწილეობაზე უარი თქვა. მისი თქმით, როგორც პრეზიდენტობის 5 წლის განმავლობაში, მანამდეც და მომავალშიც მისი სამსახური საქართველოს სამსახურია - „არ ყოფილა მომენტი, რომ მე ელიტის ან სხვა ჯგუფის სამსახურში ვყოფილიყავი, ეს იწყებოდა საქართველოს მოქალაქეებით და გრძელდებოდა საქართველოს მოქალაქეებით. ამ არჩევნებში მე მონაწილეობის მიღებას აღარ ვაპირებ, არამედ სხვანაირად, სხვა ფორმით გავაგრძელებ თქვენი ქვეყნის სამსახურს“.[11]
პირადი ცხოვრება რედაქტირება
მშობლიური ქართულის გარდა ფლობს ინგლისურსა და რუსულს.[12] მისი ჰობია სეირნობა და ცხენოსნობა. უყვარს ცხოველები. შეუძლია ნადირობა, ეწევა ქველმოქმედებას.[2] ჰყავს ქალიშვილი ანა (დ. 1993), რომელიც არის საქართველოს საზოგადოებრივ საქმეთა ინსტიტუტის სტუდენტი. ასევე ჰყავს ვაჟი თეიმურაზი (დ. 2015).[13] მისი მეუღლეა მსახიობი და მხატვარი მაკა ჩიჩუა.[14]
რესურსები ინტერნეტში რედაქტირება
სქოლიო რედაქტირება
- ↑ მისი აღმატებულება, ბატონი გიორგი მარგველაშვილი, საქართველოს პრეზიდენტი. დაარქივებულია ორიგინალიდან — 2014-07-01. ციტირების თარიღი: 2014-06-24.
- ↑ 2.0 2.1 2.2 გიორგი მარგველაშვილის ბიოგრაფიის დეტალები. დაარქივებულია ორიგინალიდან — 2016-03-04. ციტირების თარიღი: 2014-08-11.
- ↑ 3.0 3.1 გიორგი მარგველაშვილის ბიოგრაფია
- ↑ ვინ არის გიორგი მარგველაშვილი?
- ↑ გიორგი მარგველაშვილი — ბიოგრაფიული ცნობები. დაარქივებულია ორიგინალიდან — 2014-07-12. ციტირების თარიღი: 2013-10-28.
- ↑ „პრეზიდენტის ადმინისტრაცია: მარგველაშვილმა სულ 767 სახელმწიფო ჯილდო გასცა“. Tabula. 15 დეკემბერი, 2018. ციტირების თარიღი: 28 დეკემბერი, 2021. შეამოწმეთ თარიღის პარამეტრი
|access-date=და|date=-ში (დახმარება) - ↑ გიორგი მარგველაშვილის ბიოგრაფია დაარქივებული 2014-07-01 საიტზე Wayback Machine. , [1] დაარქივებული 2016-12-24 საიტზე Wayback Machine.
- ↑ Burjanadze, Zhvania Offer Radical Changes. Civil Georgia. 22 August 2003. Accessed 30 March 2013.
- ↑ Giorgi Margvelashvili. Civil Georgia. 15 October 2013.
- ↑ „ქართული ოცნების“ საპრეზიდენტო კანდიდატი გიორგი მარგველაშვილია
- ↑ გიორგი მარგველაშვილი საპრეზიდენტო არჩევნებში მონაწილეობას არ მიიღებს
- ↑ გიორგი მარგველაშვილის ბიოგრაფიული ცნობები[მკვდარი ბმული]
- ↑ გიორგი მარგველაშვილსა და მაკა ჩიჩუას ვაჟი შეეძინათ ჟურნალი „ლიბერალი“. 02.02.2015
- ↑ გიორგი მარგველაშვილის ბიოგრაფია. დაარქივებულია ორიგინალიდან — 2013-11-11. ციტირების თარიღი: 2013-11-21.
| პოლიტიკური თანამდებობები | ||
|---|---|---|
| წინამორბედი: ხატია დეკანოიძე |
საქართველოს განათლების მინისტრი 2012—2013 |
შემდეგი: თამარ სანიკიძე |
| წინამორბედი: მიხეილ სააკაშვილი |
საქართველოს პრეზიდენტი 2013–2018 |
შემდეგი: სალომე ზურაბიშვილი |