გიგანტიზმი

გიგანტიზმი — ადამიანის პათოლოგიური ზრდა სიმაღლეში. ჩვეულებრივ 190-200 სმ-ზე მაღალი ადამიანი გიგანტად ითვლება. ლიტერატურაში აღწერილი ყველაზე მაღალი ადამიანის სიმაღლეა 320 სმ. გიგანტიზმი მამაკაცებში უფრო ხშირია. ვლინდება 9-10 წლის ასაკში ან სქესობრივი მომწიფების წინ და გრძელდება ორგანიზმის ზრდის დამთავრებამდე. შეიძლება გამოიწვიოს გენეტიკურმა და ენდოკრინულმა ფაქტორებმა. მკურნალობა დამოკიდებულია გამომწვევ მიზეზებზე. ჩვეულებრივ მიმართავენ რენტგენო და ჰორმონოთერაპიას.

გიგანტი ქალი

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 152.