ბრაიან მეი

ბრაიან ჰაროლდ მეი (ინგლ. Brian Harold May; დ. 19 ივლისი, 1947) — ინგლისელი მუსიკოსი და ასტროფიზიკოსი, ცნობილი როგორც ჯგუფ „Queen-ის“ გიტარისტი. ბრაიანი იყენებს გიტარა „Red Special“-ს, რომელიც მამამისის დახმარებით დაამზადა. ბრაიანმა შექმნა სიმღერები „Now I'm Here“, „'39“, „Tie Your Mother Down“, „We Will Rock You“, „Who Wants to Live Forever“, „Hammer to Fall“, „Save Me“, „Fat Bottomed Girls“, „I Want It All“, და „Too Much Love Will Kill You“.

ბრაიან მეი
ბრაიან მეი 2022 წელს.
ბიოგრაფია
ნამდვილი სახელი	ბრაიან ჰაროლდ მეი
დაბ. თარიღი	19 ივლისი, 1947 (1947-07-19), ლონდონი, ინგლისი
დაბ. ადგილი	Hampton
ჟანრ(ებ)ი	როკ-მუსიკა
საქმიანობა	მუსიკოსი, სიმღერების ავტორი, პროდიუსერი, ასტროფიზიკოსი, მწერალი
ინსტრუმენტ(ებ)ი	გიტარა, ბანჯო, ბას გიტარა, კლავიშებიანი საკრავები, ფორტეპიანო, ვოკალი, არფა
აქტიური	1963–დღემდე
ლეიბლ(ებ)ი	Hollywood, Parlophone
აღსანიშნავი ინსტრუმენტები
Red Special
საიტი	brianmay.com
ბრაიან მეი ვიკისაწყობში

ბრაიანმა დაიკავა 39-ე ადგილი ჟურნალ როლინგ სტოუნის რეიტინგში „ყველა დროის 100 უდიდესი გიტარისტი“.

ბიოგრაფია

ბრაიან მეი დაიბადა ლონდონში, 1947 წლის 19 ივლისს, ჰაროლდ და რუთ მეის ოჯახში. ბრაიანმა 7 წლის ასაკში მამის ხელმძღვანელობით დაიწყო გიტარაზე დაკვრის სწავლა და ამასთან, ფორტეპიანოზე დაკვრაშიც მეცადინეობდა. ბრაიანმა ჯერ კიდევ სწავლის პერიოდში, 1964 წელს, ჩამოაყალიბა ჯგუფი „1984“. ამ დროისთვის მან, მამამისის დახმარებით, შეძლო დაემზადებინა საკუთარი გიტარა "Red Special" რასაც 2 წელი მოანდომა. ბრაიანმა გიტარის მასალად ტროპიკული ხის, მაჰაგონის ("წითელი ხე") ჯიშის ძალიან ძველი ნაჭერი შეარჩია. 1966 წელს მან სკოლა დაამთავრა ათი "O" და ოთხი "A" ქულით ("A" ითვლება შეფასების უმაღლეს ხარისხად, "O" - ჩვეულებრივ დონედ და ა.შ.) და 1967 წლიდან სწავლა განაგრძო უმაღლეს სასწავლებელში - "იმპერიულ კოლეჯში". "იმპერიულ კოლეჯში" ბრაიანთან ერთად სწავლობდა ტიმ სტაფელი, რომელიც ბრაიანთან ერათად უკრავდა ჯგუფ 1984-ში (რომელიც დაიშალა და მისგან მხოლოდ ბრაიან მეი და ტიმ სტაფელი დარჩნენ). ბრაიანმა და ტიმმა "იმპერიულ კოლეჯში" ჩამოაყალიბეს ახალი ჯგუფი Smile (ღიმილი). მათ დასარტყამ ინსტრუმენტზე შემსრულებლად აიყვანეს როჯერ ტეილორი. მალე შეუერთდათ ფრედი მერკური, რომელმაც ჯგუფს სახელი შეუცვალა და დაარქვა Queen.

2023 წლის 14 მარტს გაერთიანებული სამეფოს მეფე ჩარლზ III-მ ბრაიან მეი რაინდად აკურთხა ბუკინგემის სასახლეში.

Red Special

ბრაიანმა, მამამისის დახმარებით დაამზადა საკუთარი გიტარა - Red Special, რასაც 2 წელი მოანდომა. ეს არ იყო ჩვეულებრივი გიტარა. ბრაიანს, გიტარაზე მუშაობის პროცესში, ბევრი სხვადასხვა კონსტრუქციის მოსინჯვა მოუხდა. გიტარის მასალად ტროპიკული ხის - მაჰაგონის ("წითელი ხე") ჯიშის ძალიან ძველი ნაჭერი შეარჩია. ჟღერადობის გასაუმჯობესებლად საგანგებო ექოპლექსი გააკეთა. თუ სტანდარტული მარყუჟის შენელება მაქსიმუმ 30 წამია, ბრაიანმა შესძლო სამჯერ გაეხანგრძლივებინა იგი. ამას თან ერთვოდა თავად მუსიკოსის კარგი ტექნიკა და დაკვრის თავისებურებული სტილი. უნდა აღინიშნოს, რომ ბრაიან მეი დაკვრისას იყენებს ექვსპენსიან მონეტას. თავისი გიტარით იგი გამოსცემს ვიოლინოს, სინთეზატორის, საყვირისა და სხვა ინსტრუმენტების ხმებს.

დისკოგრაფია

• Queen (1973)
• Queen II (1974)
• Sheer Heart Attack (1974)
• A Night at the Opera (1975)
• A Day at the Races (1976)
• News of the World (1977)
• Jazz (1978)
• The Game (1980)
• Flash Gordon (1980)
• Hot Space (1982)
• The Works (1984)
• A Kind of Magic (1986)
• The Miracle (1989)
• Innuendo (1991)
• Made in Heaven (1995)

სოლო დისკოგრაფია

• Back to the Light (1992)
• Another World (1998)
• Furia (2000), საუნდტრეკი

თანამშრომლობა

• Star Fleet Project (ედი ვან ჰალენთან ერთად) (1983)
• El Vampiro Bajo el Sol (Paralamas do Sucesso-სთან და ფიტო პაესთან ერთად) (1994)
• Anthems (კერი ელისთან ერთად) (2010)
• Acoustic by Candlelight (კერი ელისთან ერთად) (2013)
• Golden Days (კერი ელისთან ერთად) (2017)
• We are One (ჯეის ლუისთან ერთად) (2018)
• „Blue on Black“ (Five Finger Death Punch-თან, კენი უეინ შეპერდთან და ბრენტლი გილბერტთან ერთად) (2019)
• „Floating in Heaven“ (გრეიემ გულდმენთან ერთად) (2022)
• „Fought & Lost“ (სინგლი სემ რაიდერთან ერთად) (2023)

რესურსები ინტერნეტში

• ბრაიან მეის ოფიციალური საიტი
• ბრაიან მეის გიტარების ოფიციალური საიტი