ბერბერატი
ბერბერატი (ფრანგ. Berbérati; სანგო — Bereberäti) — პრეფექტურა მამბერე-კადეის ადმინისტრაციული ცენტრი ცენტრალური აფრიკის რესპუბლიკაში. მდებარეობს ქვეყნის სამხრეთ-დასავლეთში, კამერუნის სახელმწიფო საზღვართან სიახლოვეს. მოსახლეობის რაოდენობის მიხედვით იგი ქვეყანაში მესამე ქალაქია და 2003 წლის აღწერით აქ ცხოვრობს 76 918 ადამიანი.[1][2]
| ქალაქი | |
|---|---|
|
ბერბერატი ფრანგ. Berbérati სანგო — Bereberäti | |
 | |
| ქვეყანა |
 ცენტრალური აფრიკის რესპუბლიკა |
| პრეფექტურა | მამბერე-კადეი |
| კოორდინატები | 4°16′00″ ჩ. გ. 15°47′00″ ა. გ. / 4.26667° ჩ. გ. 15.78333° ა. გ. |
| ფართობი | 67 კმ² |
| ცენტრის სიმაღლე | 589 მ |
| მოსახლეობა | 76 918 კაცი (2003) |
| სასაათო სარტყელი | UTC+1 |
  | |
ისტორია რედაქტირება
XX საუკუნის დასაწყისში ბერბერატი იყო უბანგი-შარის ნაწილი, საფრანგეთის ეკვატორული აფრიკის შემადგენლობაში ოთხიდან ერთ-ერთი ტერიტორია, რომელიც მოგვიანებით გახდა ცენტრალური აფრიკის რესპუბლიკა. 1911 წელს ის მაროკოსა და კონგოს შესახებ საფრანგეთ-გერმანიის შეთანხმებისა და ფესის ხელშეკრულების თანახმად გადაეცა გერმანიის იმპერიას და გახდა გერმანიის კოლონია — ახალი კამერუნის ნაწილი, სანამ პირველი მსოფლიო ომის დროს საფრანგეთმა დასავლეთ აფრიკაში 1916 წელს გერმანიის ჯარების დამარცხების შემდეგ უკან არ დაიბრუნა ის.