ასირი

ასირი (არაბ. عسير) — საუდის არაბეთის რეგიონი, მდებარეობს ქვეყნის სამხრეთ-დასავლეთში. სახელი ჰქვია რეგიონში მცხოვრები კლანების კონფედერაციის მიხედვით. მისი ფართობი შეადგენს 81 000 კმ²-ს, ხოლო მოსახლეობა დაახლოებით 2 190 000 ადამიანს. მისი დედაქალაქია აბჰა, სხვა მსხვილი ქალაქებია: ხამის-მუშაიტი, ბიშა და ბარიქი. 2007 წლის 16 მაისიდან რეგიონის მმართველი არის ფაისალ ბინ ხალიდი, მეფის ხალიდ იბნ აბდელ აზიზ ალ საუდის შვილი. მან ამ პოზიციაზე შეცვალა თავისი ბიძაშვილი ხალიდ ალ ფაისალი.

ასირის რეგიონი عسير
ქვეყანა	საუდის არაბეთი
ადმ. ცენტრი	აბჰა
კოორდინატები	19°00′00″ ჩ. გ. 43°00′00″ ა. გ.
ფართობი	81,000 კმ²
სალაპარაკო ენები	არაბული
მოსახლეობა	2 188 461 კაცი (2010)
ეროვნული შემადგენლობა	არაბები
სასაათო სარტყელი	UTC+3
ასირი ვიკისაწყობში

გუბერნიები

ასირის რეგიონი იყოფა 6 გუბერნიად (მოსახლეობის რაოდენობა მოცემულია 2010 წლის აღწერის მიხედვით):

• აბჰა (+600,000)
• ალ-ნამასი (+105,000)
• ბარიქი (+50,000)
• ბიშა (+325,800)
• ხამის-მუშაიტი (+835,000)
• ტანომა (+65,000)
• დარან-ალჯანუბი (+55,000)

ეკონომიკა

ისტორიულად ასირში აწარმოებდნენ: ყავას, ხორბალს, იონჯას, ქერს, სინამაქის ფოთოლს და საკმეველს. რეგიონის შედარებით ნესტიან ადგილებში იზრდება ქუნჯუთი. ჩალა გამოიყენებოდა ჭილობის, ჩალის ქუდების და კალათების დასამზადებლად, ზოგიერთი ტომი მისგან კარვებსაც წნავდა.

გუბერნატორები

• ხალიდ ალ ფაისალი (1971–2007)
• ფაისალ ბინ ხალიდი (2007–დღემდე)

ლიტერატურა

• Mackey, Sandra. The Saudis: Inside the Desert Kingdom. Updated Edition. Norton Paperback. W.W. Norton and Company, New York. 2002 (first edition: 1987). ISBN 0-393-32417-6 pbk.

რესურსები ინტერნეტში

ვიკისაწყობში არის გვერდი თემაზე:

ასირი

• "Asir" in the Encyclopædia Britannica, 11th ed. (1911)
• Asir National Park დაარქივებული 2013-04-03 საიტზე Wayback Machine.