ანდრია კონჩალოვსკი
ანდრია კონჩალოვსკი (რუს. Кончаловский, Андрей Сергеевич; ინგლ. Andrei Konchalovsky; დ. 20 აგვისტო 1937, მოსკოვი) — საბჭოთა, რუსი და ამერიკელი თეატრისა და კინოს რეჟისორი, სცენარისტი, საზოგადო და პოლიტიკური მოღვაწე. რსფსრ სახალხო არტისტი (1980). კინოაკადემიის ნიკას პრეზიდენტი. დაიბადა მამამისის — მწერლის სერგეი მიხალკოვისა და დედამისის პოეტისა და მთარგმნელის — ნატალია კონჩალოვსკაიას ოჯახში. კინორეჟისორის — ნიკიტა მიხალკოვის უფროსი ძმა. შემოქმედებითი მოღვაწეობის დაწყებით ეტაპზე თავს ანდრონს უწოდებდა, აგრეთვე მიიღო ორმაგი გვარი — მიხალკოვ-კონჩალოვსკი. დაამთავრა ცენტრალური მუსიკალური სკოლა (1952) და მოსკოვის კონსერვატორიის აკადემიური მუსიკალურო კოლეჯი (1957). 1957-1959 წლებში სწავლობდა მოსკოვის სახელმწიფო კონსერვატორიაში. 1964 წელს დაამთავრა სერგეი გერასიმოვის სრულიად რუსეთის კინემატოგრაფიის სახელმწიფო უნივერსიტეტი (მიხეილ რომის სახელოსნო).
| ანდრია კონჩალოვსკი | |
|---|---|
 ანდრია კონჩალოვსკი | |
| დაბადების თარიღი |
20 აგვისტო 1937 მოსკოვი, რუსეთი |
| საქმიანობა | რეჟისორი |
| აქტიური | 1964–დღემდე |
| მეუღლე(ები) | იულია ვისოცკაია (1998-დღემდე) |
| მშობლები |
მამა: სერგეი მიხალკოვი დედა: ნატალია კონჩალოვსკაია |
| საიტი | konchalovsky.ru |
1980 წელს საცხოვრებლად აშშ-ში გადავიდა, სადაც გადაიღო რამდენიმე ცნობილი კინოფილმი, რომელთაგან აღსანიშნავია ტანგო და კეში (1989). 1990-იანი წლების დასაწყისში დაბრუნდა სამშობლოში. 1997 წელს აშშ-ში გადაიღო მინი-სერიალი ოდისევსი, სადაც მთავარი როლი შეასრულა არმანდ ასანტემ. ნაყოფიერად მოღვაწეობს აგრეთვე თეატრში.