ალოფი
ალოფი (ინგლ. Alofi) — დაბა, წყნარ ოკეანეში არსებული ახალ ზელანდიასთან თავისუფლად ასოცირებული თვითმართვადი სახელმწიფო წარმონაქმნის ნიუეს დედაქალაქი. აქ ცხოვრობს 639 კაცი[1] (2011 აღწერით). ალოფი შედგება ორი პატარა სოფლისგან: ჩრდილოეთ ალოფი (მოს. 215) და სამხრეთ ალოფი, სადაც მდებარეობს მთავრობის შტაბ-ბინა (მოს. 424).[1]
| დედაქალაქი | |
|---|---|
|
ალოფი ინგლ. Alofi | |
 | |
| ქვეყანა |
 ნიუე |
| კოორდინატები | 19.056°00′00″ ს. გ. 169.921°00′00″ დ. გ. / 19.05600° ს. გ. 169.92100° დ. გ. |
| ფართობი | 46,48 კმ² |
| ცენტრის სიმაღლე | 21 მ |
| ოფიციალური ენა | ინგლისური ენა |
| მოსახლეობა | 639 კაცი (2011) |
| სიმჭიდროვე | 13,75 კაცი/კმ² |
| სასაათო სარტყელი | UTC-11 |
| ოფიციალური საიტი | http://niuevillage.com/niue/export/sites/NTO/alofisouth.html |
  | |
ალოფი მოქცეულია კუნძულის ცენტრალური ნაწილის დასავლეთით, მცირე ყურის სანაპირო ზოლში. მაქსიმალური სიმაღლე ზღვის დონიდან — 21 მეტრი. იგი წარმოადგენს კლდოვანი სანაპირო ზოლის გასწვრივ მდებარე ერთ რამდენიმე კილომეტრზე გადაჭიმულ ქუჩას. სხვადასხვა მოკრძალებული ადმინისტრაციული შენობების გარდა სანაპირო ზოლში აღსანიშნავია რამდენიმე ტრადიციული კანოეს სადგომი პუნქტი, ოპაჰი-ლენდინგის ჩათვლით, სადაც 1744 წელს ჯეიმზ კუკმა განახორციელა თავისი ერთ-ერთი წარუმატებელი ცდა კუნძულის სანაპიროზე გადასვლისა. დასახლებული პუნქტის სიახლოვეს მდებარეობს აეროპორტი, რომლიდანაც რეისები ძირითადად ახალ ზელანდიაში ხორციელდება.
2004 წლის იანვარში ალოფს თავს დაატყდა ერთ-ერთი უძლიერესი ტროპიკული შტორმი, რომელმაც კუნძულს ძალიან მნიშვნელოვანი ზიანი მიაყენა. ალოფის ბევრი შენობა დაინგრა, მათ შორის საავადმყოფოებიც.