ალექსანდრე დონდუკოვ-კორსაკოვი

ალექსანდრე დონდუკოვ-კორსაკოვი (დ. 18 სექტემბერი, 1820, სანქტ-პეტერბურგი — გ. 15 აპრილი, 1893) — რუსი კავალერიის გენერალი და სახელმწიფო მოღვაწე, შამილთან და ოსმალეთთან ომების მონაწილე. კავკასიის მთავარმართებელი 1882–1890 წლებში.

1882 წლის 1 იანვარს დაინიშნა კავკასიის მთავარმართებლად. 1883 წელს მიღებული კავკასიის მთავარმართებლობის ახალი დებულების თანახმად, მას კავკასიის ჯარების მთავარსარდლობაც უბოძეს და მხარეში გასამხედროებული მდგომარეობა შექმნეს. მის დროს სახელმწიფო სამსახურში ქართველებს ნაკლებად იღებდნენ და უპირატესობას რუსეთიდან ჩამოსულ, მხარის არმცოდნე მოხელეებს ანიჭებდნენ. მის დროს აღდგა ორმოცი წლის წინ არსებული ადმინისტრაციული რეჟიმი. 1890 წლის 2 ივნისს პირადი თხოვნის საფუძველზე დათხოვნილ იქნა კავკასიის მთავარმართებლის თანამდებობიდან.

ლიტერატურა

• საქართველოს ისტორია – XIX საუკუნე (რედაქტორები ვახტანგ გურული და ბონდო კუპატაძე), „არტანუჯი“, გვ. 20, თბ., 2004

წინამორბედი: მეფისნაცვალი მიხეილ რომანოვი

საქართველოს მმართველი კავკასიის მთავარმართებელი 1882-1890

შემდეგი: გრაფი შერემეტიევი