ალექსანდრა შლონსკა

ალექსანდრა შლონსკა (პოლ. Aleksandra Śląska; დ. 4 ნოემბერი, 1925 — გ. 18 სექტემბერი, 1989) — პოლონელი თეატრის, კინოსა და ტელევიზიის მსახიობი. პედაგოგი, თეატრალური ხელოვნების პროფესორი (1987). პოლონეთის კულტურის დამსახურებული მოღვაწე (1967), პოლონეთის სახალხო კულტურის დამსახურებული მოღვაწე (1989). პოლონეთის სახალხო რესპუბლიკის სახელმწიფო პრემიის ლაურეატი (1950, 1955, 1964), სიკვდილშემდგომ აღიარეს პოლონური კინოს გმირად (2013). 1949 წელს საცხოვრებლად ვარშავაში გადავიდა, სადაც სხვადასხვა თეატრის სცენაზე გამოდიოდა. 1973 წლიდან ასწავლიდა ალექსანდრე ზელვეროვიჩის სახელობის თეატრალურ აკადემიაში. 1948–1983 წლებში გამოჩნდა 18 ფილმში; გადაღებულია ფილმებში: „ხუთი ბიჭი ბარსკა-სტრიტიდან“ (1954), „მგზავრი“ (1963) და სხვა. ალექსანდრა შლონსკა კიბოთი გარდაიცვალა. დაკრძალულია პოვონზკის სასაფლაოზე, ვარშავაში.

ალექსანდრა შლონსკა
ალექსანდრა შლონსკა
დაბადების სახელი	ალექსანდრა შლონსკა
დაბადების თარიღი	4 ნოემბერი, 1925 კატოვიცე, პოლონეთი
გარდაცვალების თარიღი	18 სექტემბერი, 1989 (63 წლის) ვარშავა, პოლონეთი
საქმიანობა	მსახიობი პედაგოგი
აქტიური	1946–1989 წწ.

რესურსები ინტერნეტში

• ალექსანდრა შლონსკა კინოფილმების ინტერნეტ-მონაცემთა ბაზაში