ალევის ქედი

ალევის ქედი ან ლომის-ალევის ქედი — ქედი საქართველოში, დუშეთისა და ახალგორის მუნიციპალიტეტებში. წარმოადგენს კავკასიონის სამხრეთ შტოს. არხის ქედით უერთდება მთავარი წყალგამყოფი ქედის ტოტს — ხარულის ქედს. ალევის ქედი მდინარეების ქსნისა და არაგვის წყალგამყოფია. იწყება მექეთის მწვერვალთან, რომელიც ქედის უმაღლესი წერტილია (2937 მ). ქედზე აღმართულია მწვერვალები: შელი (2579 მ), მუნჯუხი (2685 მ), ყურყუტა (2681 მ), ლომისისმთა (2452 მ) და სხვა.

ალევის ქედი
მექეთი (მარჯვნივ) და შელი (მარცხნივ)
კოორდინატები: 42°18′33″ ჩ. გ. 44°35′45″ ა. გ.
ქვეყანა	საქართველო
ტერიტორიული ერთეული	მცხეთა-მთიანეთის მხარე
უმაღლესი წერტილი	მექეთი
სიმაღლე	2937 მ
სურათები ვიკისაწყობში

ალევის ქედი სამხრეთით ბოლოვდება ლორწიმის კლდის (ალევის კლდის) მასივით (1973 მ). მაღლა ქედზე სუბალპური და ალპური მდელოებია, ქვემოთ — ფართოფოთლიანი ტყეები.

იხილეთ აგრეთვე

• საქართველოს ქედების სია

ლიტერატურა

• ლევან მარუაშვილი, ენციკლოპედია „საქართველო“, ტ. 1, თბ., 1997. — გვ. 96.