გიორგი ჭანტურია: განსხვავება გადახედვებს შორის

 

[[1991]] წელს გამსახურდიას პრეზიდენტად არჩევის შემდეგ ჭანტურიას პოზიცია კიდევ უფრო შეურიგებელი გახდა. ედპ აქტიურად ჩაება მთავრობის საწინააღმდეგო გამოსვლებში და გამსახურდიას გადაგომა თავის ლოზუნგად აქცია. 1991 წლის 17 სექტემბერს [[მოსკოვი|მოსკოვში]] გასაფრენად გამზადებული ჭანტურია პოლიციამ დააკავა და სახელმწიფოს წინააღმდეგ შეთქმულების მოწყობის ბრალდებით დააპატიმრა. გათავისუფლების შემდეგ ჭანტურია კვლავ მონაწილეობდა გამსახურდიას წინააღმდეგ მიმართლ გამოსვლებში.

 

1991-92 წლების სამხედრო გადატრიალების შემდეგ ჭანტურია [[ედუარდ შევარდნაძე|ედუარდ შევარდნაძის]] მიმართ ზომიერ ოპოზიციაში იყო, თუმცა საქართველოს [[დამოუკიდებელ სახელმწიფოთა თანამეგობრობა]]ში შესვლის შემდეგ მისი პოზიცია უფრო კრიტიკული გახდა. 1994 წ. ჭანტურიამ ღიად გააკრიტიკა შინაგან საქმეთა მინისტრი [[შოთა კვირაია]], უშიშროების მინისტრი [[იგორ გიორგაძე]] და თავდაცვის მინისტრი [[ვარდიკო ნადიბაიძე]] და მათ პრორუსულ ორიენტაციაში დასდო ბრალი.

 

1994 წ. 3 დეკემბერს, თბილისის ცენტრში, ჭანტურიას ავტომობილს უცნობმა პირებმა გაუხსნეს ცეცხლი. ჭანტურია ადგილზევე გარდაიცვალა, მისი მეუღლე [[ირინა სარიშვილი]] მძიმედ დაიჭრა. მკვლელობა საბოლოოდ გამოუძიებელი დარჩა, თუმცა მისი პოლიტიკური ხასიათი ეჭვს არ იწვევდა. სხვადასხვა დროს სხვადასხვა პირების მიერ თავდასხმა ბრალდებოდა კვირაიას ან გიორგაძეს. ჭანტურიას მკვლელობის შემდეგ ედპ-ის ლიდერი მისი ქვრივი გახდა, მაგრამ პარტიის პოზიციები მნიშვნელოვნად შეირყა. გიორგი ჭანტურია დაკრძალულია [[ქაშვეთის ეკლესია|ქაშვეთის ეკლესიის]] ეზოში.

==წყაროები==

*[http://newsgeorgia.ge/geo1/20071203/42108172.html სარიშვილი ძმებ რურუებს გიორგი ჭანტურიას მკვლელობაში ადანაშაულებს]. „ახალი ამბები - საქართველო“. 03/ 12/ 2007