ალექსანდრე ყიფშიძე: განსხვავება გადახედვებს შორის

'''ალექსანდრე თევდორეს ძე ყიფშიძე''' [ფსევდონიმი ფრონელი (დ. [[13 იანვარი]], [[1862]], სოფ. წვერი, ქარელის რაიონი ― გ. [[29 ივნისი]], [[1916]], [[თბილისი]])], [[ქართველები | ქართველი]] ისტორიკოსი, პუბლიცისტი, საზოგადო და პოლიტიკური მოღვაწე.

== ბიოგრაფია ==

[[1888]] დაამთავრა [[ხარკოვი | ხარკოვის]] [[უნივერსიტეტი | უნივერსიტეტის]] ისტორიულ-ფილოლოგიური ფაკულტეტი.

ყიფშიძე მუშაობდა სახაზინო პალატაში, საგუბერნიო საქმეთა სამმართველოში, საგლეხკაცო საქმეთა საკრებულოში, [[ახალციხე | ახალციხის]] მომრიგებელ მოსამართლედ და სხვ. 1905-1907 რევოლუციის დროს ქართული საზოგადოების მხარდაჭერით დაინიშნა [[ქუთაისი | ქუთაისის]] ვიცე-გუბერნატორად, მაგრამ, როგორც პოლიტიკურად არასაიმედო, მალე მოხსნეს და მეტეხის ციხეში ჩასვეს. [[1906]] წელს იყო თბილისის სათავადაზნაურო საკრებულოსთან არსებული საადგილმამულო კომისიის მმართველი. დიდ მუშაობას ეწეოდა საქართველოს ეკონომიკის აღორძინებისათვის. იყო გაზეთ "საქართველოს" ერთ-ერთი დამაარსებელი, [[ქართველთა შორის წერა-კითხვის გამავრცელებელი საზოგადოება | ქართველთა შორის წერა-კითხვის გამავრცელებელი საზოგადოების]] გამგეობის წევრი.

ყიფშიძე იკვლევდა XIX საუკუნის [[საქართველო | საქართველოს]] ისტორიის საკითხებს. აღსანიშნავია ნაშრომები: "მთიულეთი 1804 წ." (ტფილისი, 1896), "ამბოხება კახეთისა (1812)" (ტფილისი, 1907), "დიდებული მესხეთი" (გორი, 1914), "მთის არწივი, შამილი" (ტფილისი, 1914) და სხვ.

== ლიტერატურა ==

* ''სახოკია თ.,'' ჩემი საუკუნის ადამიანები, თბ., 1984;

[[კატეგორია:დაბადებული 1862]]

[[კატეგორია:გარდაცვლილი 1916]]