ლინდონ ჯონსონი: განსხვავება გადახედვებს შორის

1963 წელს პრეზიდენტი კენედი მოკლეს. კონსტიტუციის მიხედვით პრეზიდენტის თანამდებობა ჯონსონმა დაიკავა. კენედის ვადის დასრულების შემდეგ მან [[აშშ-ის საპრეზიდენტო არჩევნები (1964)|1964 წლის არჩევნებში]] დიდი უპირატესობით გაიმარჯვა. ჯონსონის ინიციატივით შეიქმნა პროგრამა „[[დიდი საზოგადოება]]“, რისი მიხედვითაც სიღარიბე და რასობრივი უსამართლობა უნდა დაძლეულიყო. მისი პრეზიდენტობისას სამოქალაქო უფლებების აქტით აიკრძალა [[რასობრივი სეგრეგაცია]], დამტკიცდა სახელმწიფო დაზღვევის (Medicare) და გაჭირვებულ ოჯახთა ჯანმრთელობის დაცვის (Medicaid) პროგრამები, გატარდა განათლების რეფორმა და მიღებულ იქნა ზომები გარემოს დაბინძურებისგან დასაცავად. ჯონსონის პრეზიდენტობის მთავარი საგარეო პოლიტიკური მოვლენა [[ვიეტნამის ომი]] იყო. მისმა პოლიტიკამ ომის ესკალაცია მოახდინა, რამაც მისი როგორც პრეზიდენტის რეპუტაცია ძალიან დააზარალა. ჯონსონმა [[ჩრდილოეთ ვიეტნამისვიეტნამი]]ს დაბომბვა 1965 წელს დაიწყო, რაც შემდეგი 7 წელი, [[რიჩარდ ნიქსონი|ნიქსონის]] პრეზიდენტობის პირველი წლების ჩათვლით, გრძელდებოდა. დროთა განმავლობაში ჯარის რიცხოვნობა 20 ათასიდან 550 ათასამდე გაზარდა, რასაც გარდაცვლილი ჯარისკაცების რიცხვის მნიშვნელოვნად გაზრდა მოყვა. დაბალი რეიტინგის გამო მან [[აშშ-ის საპრეზიდენტო არჩევნები (1968)|1968 წლის არჩევნებში]] მონაწილეობაზე უარი თქვა. ჯონსონი 1973 წელს, 64 წლის ასაკში, [[გულის შეტევა|გულის შეტევით]] გარდაიცვალა.