[[Image:BoschSelfportret.jpg|right|thumb|ჰიერონიმუს ბოსხი;, სავარაუდო პორტრეტი]][[ნიდერლანდები|ნიდერლანდელი]] ფერმწერი ჰიერონიმუს ბოსხი დაიბადა [[1450]] წელს [[ჰერტოგენბბოსი|ჰერტოგენბბოსში]]. გარდაიცვალა იქვე [[1516]] წელს. მისი ნამდვილი სახელი და გვარია ჰიერონიმუს ვან აკენი. ბოსხი ხატავდა რელიგიურ, ალეგოროულ და ჟანრულ სურათებს. მისი ცნობილი სურათები - [[ტკბობის ბაღი]], [[სამოთხე]], [[მოგვთა თაყვანისცემა]] დაცულია [[პრადო|პრადოს]] მუზეუმში, [[მადრიდი]], [[ესპანეთი]]. ბოსხის შემოქმედების ერთ-ერთი დამახასიათებელი ნიშანია ფანტასტიკურისა და რეალურის შერწყმა. ბოსხის სურათები სივრცობრივი და დეკორატიულია. ფერმწერის შემოქმედებაში დიდი ადგილი უჭირავს წმინდანთა ცდუნების თემას, სადაც მორწმუნეთა მორალური სიმტკიცე უპირისპირდება სამყაროში გაბატონებულ საცდურსა და შიშს. ასევე აღსანიშნავია თანამედროვე თემებზე შექმნილი სურათები: [[თავის ოპერაცია]], [[ძე შეცდომილი]] და სხვა. ბოსხის მნიშვნელოვანი ნამუშევარია ალეგორიული ხასიათის სურათი [[თივის გადატანა]], რომლის სიუჟეტი ხალხურ ანდაზებთანა დაკავშირებული.
[[სურათი:tavis_operacia.jpg|200px|left|თავის ოპერაცია]] ბოსხი არასოდეს აწერდა თარიღს თავის ნამუშევრებს, ხელმოწერილიც მხოლოდ რამდენიმეა. დღესდღეობით, მხოლოდ 25 სურათია შემორჩენილი, რიმლის ავტორად ბოსხია მიჩნეული. [[ესპანეთი|ესპანეთის]] მეფე [[ფილიპე II|ფილიპე II-მ]] ფერმწერის გარდაცვალების შემდეგ მისი ბევრი ნამუშევარი შეიძინა, რის შედეგადაც პრადაოს მუზეუმი ბოსხის რამდენიმე სურათს ფლობს. ბოსხს ჰყავდა მიმბაძველები, მისი შემიქმედების ერთ-ერთი გამგრძელებელია [[ბრეიგელი, პიტერ|პიტერ ბრეიგელი]].
