სერამი (კუნძული): განსხვავება გადახედვებს შორის

'''სერამი''' (Ceram) — [[კუნძული]] [[მალაის არქიპელაგი]]ს აღმოსავლეთ ნაწილში, მოლუკის კუნძულთა ჯგუფში. [[ინდონეზია|ინდონეზიის]] ტერიტორიაა. ფართობი — 17,1 ათასი კმ², მიმდებარე [[კუნძული|კუნძულებიანად]] 18,7 ათასი კმ². ზედაპირი მთიანია. სიმაღლე — 3019 მ-დე ([[მთა]] [[ბინაია]]). დაბლობს უჭირავს სანაპიროს ვიწრო ზოლი. [[ჰავა]] ნოტიო ეკვატორულია. [[ჰაერი]]ს [[ტემპერატურა]] მთელი წლის მანძილზე 25-27  °C-ა. ნალექები 2000-4000 მმ წელიწადში. ხარობს ნოტიო სუბტროპიკული [[ტყე]], სამხრეთით მუსონური ზაფხულმწვანე [[ტყე|ტყის]] უბნებია. კუნძულზე არის [[ქოქოსი]]სა და [[სოგო]]ს პალმის, [[პილპილი]]ს, [[შაქრის ლერწამი|შაქრის ლერწმის]], [[დარიჩინი]]ს, [[ყავა|ყავის]], [[კაკაო]]ს, [[მანგო]]ს პლანტაციები. მოსახლეობა მისდევს თევზჭერას. ჩრდილოეთ ნაპირზეა ნავსადგური [[ვაჰაი]].