'''რომანოვი''' ([[რუს.]] Романов) ძველი რუსული არისტროკრატიულიარისტოკრატიული გვარი. [[1613]] წლიდან სამეფო გვარი, ხოლო 1721 წლიდან - იმპერატორთა [[დინასტია]]. რომანოვების დინასტიის წინაპრად ითვლება ანდრია ივანეს ძე კობილა, XIV საუკუნის მოსკოველი ბოიარი. XVI საუკუნიდან იწოდებოდნენ კოშკინებად, შემდეგ ზახარინებად. ამ უკანასკნელთა აღზევება დაიწყო მას შემდეგ რაც [[ივანე IV]] დაქორწინდა ანასტასია რომანის ასულ ზახარინაზე. რომანოვების გვარს დასაბამი მისცა ნიკიტა რომანის ძემ, რომლის შვილიშვილი მიხეილ თედორეს ძე (1613-1645 წწ.) ავიდა [[მოსკოვი]]ს სამეფო ტახტზე. [[1917]] წლის კომუნისტური გადატრიალების შედეგად რომანოვების დინასტია დაემხო, ხოლო [[1918]] წლის ივლისში [[ეკატერინბურგი|ეკატერინბურგში]] ურალის საოლქო საბჭოს დადგენილებით ნიკოლოზ II და მისი ოჯახის წევრები დახვრიტეს.