'''ამონიუმქორიდი''', ''ნიშადური'', NH<sub>4</sub>Cl, უფერო კრისტალური მარილი, კარგად იხსნება [[წყალი|წყალში]] (37,2 გ 100 გ H<sub>2</sub>O -ში, 20°C-ზე) და თხევად [[ამიაკი|ამიაკში]]. 338°C გახურებისას მთლიანად იშლება ამიაკად და [[ქლორწყალბადი|ქლორწყალბადად]]. ამონიუმქლორიდის წყალხსნარს მჟავა რეაქცია აქვს. მრეწველობაში ამონიუმქლორიდს ღებულობენ როგორც თანაპროდუქტს ამიაკური ხერხით სოდის წარმოებისას. ამონიუმქლორიდს იყენებენ მშრალი გალვანური ელემენტების წარმოებაში, მოკალვისა და რჩილვისას, აგრეთვე მედიცინაში (გულის დაავადებით გამოწვეული შეშუპების დროს და ვერცხლისწყლის შარდმდენი პრეპარატების მოქმედების გასაძლიერებლად).
