'''არტავაზდ II''' (― †გ. [[ძვ. წ. 34]]), [[დიდი სომხეთი|დიდი სომხეთის]] [[მეფე]] ([[ძვ. წ. 54]] - [[ძვ. წ. 34]]), [[ტიგრან II|ტიგრან II-ის]] ძე. იბრძოდა [[რომის იმპერია|რომის იმპერიისაგან]] სომხეთის დამოუკიდებლობისათვის. ამ მიზნით სახელმწიფო და დინასტიური კავშირი დაამყარა პართიის სამეფოსთან. დაიბრუნა რომაელთაგან მიტაცებული [[წოფქი]] (სოფენე) და [[მცირე სომხეთი]]. მაგრამ საგარეო ვითარების შეცვლის გამო იძულებული გახდა თავი "რომაელი ხალხის მეგობრად და მოკავშირედ" გამოეცხადებინა. მიუხედავად ამისა, [[ძვ. წ. 34]] რომის ლაშქარი სომხეთში შეიჭრა. რომაელებთაგან ნებით გამოცხადებული არტავაზდ II [[ანტონიუსი|მარკუს ანტონიუსმა]] დააპატიმრა და ოჯახითურთ [[ალექსანდრია|ალექსანდრიაში]] ჩაიყვანა. ეგვიპტის დედოფალ [[კლეოპატრა|კლეოპატრას]] ბრძანებით არტავაზდ II-ს თავი მოჰკვეთეს. არტავაზდ II ცნობილია აგრეთვე როგორც მწერალი და ისტორიკოსი.
