'''ნაუტილუსი''' (autilusNautilus), [[უხერხემლოები|უხერხემლოთა]] გვარი [[თავფეხიანები]]ს კლასისა. ნაუტილუსი [[ოთხლაყუჩიანები|ოთხლაყუჩიანთა]] ქვეკლასის ერთადერთი თანამედროვე ჯგუფია. აქვს გარეგანი, სპირალურად დახვეული, საკნებიანი [[ნიჟარა]], რომლის დიამეტრია 30 სმ. საკნებს ჰიდროსტატიკური აპარატის დანიშნულება აქვს. ნაუტილუსის რამდენიმე სახეობა გავრცელებულია [[ინდოეთის ოკეანე]]ში და [[წყნარი ოკეანე|წყნარი ოკეანის]] დასავლეთ ნაწილში. ნაუტილუსი ფსკერზე ხოხავს ან წყლის ზედაპირზე დაცურავს, იკვებება წვრილი [[კიბოსნაირნი|კიბოსნაირებით]] და [[თევზები|თევზებით]].
