სპინი: განსხვავება გადახედვებს შორის

სპინის კონცეფცია ფიზიკაში [[1925]] წელს [[გაუდსმიტი, სემუელ|გაუდსმიტმა]] და [[ულენბეკი, ჯორჯ იუჯინ|ულენბეკმა]] შემოიღეს, თუმცა ჯერ კიდევ [[1924]] წელს [[პაული, ვოლფგანგ|ვოლფგანგ პაულიმ]] ტუტე ლითონებში სავალენტო ელექტრონის მოძრაობის აღსაწერად კვანტური მექანიკის მათემატიკურ აპარატში ახალი ორმდგენელიანი თავისუფლების ხარისხი შემოიტანა. თავდაპირველად,სპექტროსკოპული მონაცემების ანალიზის საფუძველზე, ელექტრონი სწრაფად მბრუნავ ბზრიალასთან გააიგივეს, რამაც, ცხადია, გადაულახავი წინააღმდეგობები წარმოქმნა, ვინაიდან სპინის აღწერა [[კლასიკური მექანიკა|კლასიკური მექანიკით]] შეუძლებელია. [[1927]] წელს იმავე პაულიმ სპინური ცვლადი [[შრედინგერის განტოლება|შრედინგერის განტოლებაში]] შეიტანა. ასეთი გზით განახლებულ შრედინგერის განტოლებას [[პაულის განტოლება]] ეწოდება. ელექტრონის [[ტალღური ფუნქცია|ტალღური ფუნქციას]] სპინური ნაწილი გაუჩნდა, რომელიც აღიწერება [[სპინორი|სპინორით]], ანუ აბსტრაქტულ სპინური სივრცის "ვექტორით". [[1928]] წელს სპინი რელატივისტური თეორია [[დირაკი, პოლ|პოლ დირაკმა]] შექმნა. [[დირაკის განტოლება|დირაკის განტოლებიდან]], რომელშიც უკვე ოთხმდგენელიანი ბისპინორებია შემოღებული, უშუალოდ გამომდინარეობს სპინის არსებობა.