ცირკი: განსხვავება გადახედვებს შორის

'''ცირკი''' ({{lang-la|circus}}, სიტყვასიტყით — „წრე“), შენობა საცირკო წარმოდგენების ჩასატარებლად. [[ძველი რომი|ძვ. რომში]] გავრცელებული იყო ტრიბუნებიანი გეგმით ელიფსური არენა, რომელშიც ეწყობოდა შეჯიბრება (რბოლა) ეტლებით. შესვენების დროს გამოდიოდნენ [[აკრობატი|აკრობატები]], [[ეკვილიბრისტი|ეკვილიბრისტები]], [[კომიკოსი|კომიკოსები]] და სხვ. რომის დიდი '''ცირკი''' იტევდა 50 ათასამდე მაყურებელს. [[ესპანეთი|ესპანეთში]], [[მექსიკა]]სა და ზოგ სხვა ქვეყანაში '''ცირკის''' არენას იყენებდნენ [[კორიდა|კორიდისთვის]]. თანამედროვე '''ცირკის''' არენა (მანეჟი) მრგვალია (დიამეტრი 13-14, ზოგჯერ 9-17 მ), გარს არტყია მკვიდრი ბარიერი, გადახურულია სფერული გუმბათით (საჰაერო აკრობატებისათვის), მაყურებელთა ადგილები განლაგებულია ამფითეატრისებურად. თანამედროვე '''ცირკი''' აღჭურვილია სპეციალური საცირკო ტექნიკით, დიდი საკულისო სათავსებით, სარეპეტიციო მანეჟებითა და სხვ.