მოსხები: განსხვავება გადახედვებს შორის

'''მოსხები''', ისტორიულ სამხრეთ საქართველოში მცხოვრები ერთ-ერთი [[ქართველები|ქართველი]] ტომი. ამ ფორმით ეს სახელი გვხვდება [[ანტიკური ხანა|ანტიკური ხანის]] ავტორებთან ([[ჰეკატეოს მილეტელი]]დან, ძვ. წ. VI საუკუნიდან, მოყოლებული). მოსხებს თვლიან ძველ აღმოსავლურ ([[ასურეთი|ასურულ]], [[ურარტუ|ურარტულ]]) წყაროებში მოსხენიებული [[მუშქები]]ს შთამომავლებად და უფრო გვიანდელი [[მესხები]]ს წინაპრებად. მიჩნეულია, რომ მუშქების სამეფოს (ანუ ფრიგიის) დაცემის შემდეგ (ძვ. წ. 676) ამ ტომებმა ჩრდილოეთ-აღმოსავლეთისკენ გადაინაცვლეს და სამხრეთ-დასავლეთ საქართველოში დამკვიდრდნენ. ძვ. წ. V. საუკუნეში მოსხები სამხრეთ-აღმოსავლეთ შავიზღვისპირეთის სხვა ტომებთან ერთად ([[ტიბარენები]], [[მაკრონები]], [[მოსინიკები]], [[მარები]]) [[აქემენიდები|აქემენიდთა]] სპარსეთის XIX სატრაპიაში შედიოდნენ. მოსხები მონაწილეობდნენ სპარსეთის მეფის [[ქსერქსე]]ს ლაშქრობაში საბერძნეთზე. ამ დროს ისინი შეიარაღებული ყოფილან მცირე ფარებით და შუბებით (ასევე იყვნენ შეიარაღებული ტიბარენები, მაკრონები და მოსინიკები).