სოციოლოგია: განსხვავება გადახედვებს შორის

'''სოციოლოგია''' ტერმინი სოციოლოგია სიტყვაკომპოზიტია და შედგება ორი - ლათინური და ბერძნული სიტყვებისგან ლათ. socius (საზოგადოება) ბერძ. logos (სიტყვა, მეცნიერება) - და ის პირველად გამოიყენა სოციოლოგიის მამად აღიარებულმა [[ოგიუსტ კონტი|ოგიუსტ კონტმა]]. სოციოლოგია იკვლევს ადამიანური ცხოვრების ორგანიზების გზებს. სოციოლოგები სხვადასხვა გარემოში სოციალური ცხოვრების შესწავლის მიზნით სამეცნიერო კვლევით მეთოდებსა და თეორიებს იყენებენ. ისინი ცდილობენ შეისწავლონ როგორც ინტიმური ურთიერთობები, ასევე ვრცელი გლობალური ქსელები და ყველაფერი, რაც მათ შორის არსებობს. სოციოლოგები დაინტერესებულები არიან იმ გზებით, რითიც [[ადამიანი|ადამიანები]] უკავშირდებიან ერთმანეთს. სხვა სოციალური მეცნიერებანი ძირითადად შეისწავლიან სოციალური ცხოვრების მხოლოდ ერთ სფეროს: [[ეკონომიკა ]]შეისწავლის ბაზრების დინამიკასა და პროდუქტების ცირკულაციას; [[პოლიტიკა|პოლიტიკური]] მეცნიერება უღრმავდება სამთავრობო და ძალაუფლების ურთიერთობებს; [[ანთროპოლოგია]] ეკოლოგიასა და კულტურულ თავისებურებებს იკვლევს; [[ფსიქოლოგია]] სწავლობს [[ბიოლოგია|ბიოლოგიას]], ადამიანურ განვითარებასა და ინდივიდუალურ მენტალურ თავისებურებებს შორის ურთიერთკავშირს. სოციოლოგია კი მოიცავს ყველა ამ ასპექტს. სოციოლოგები ყველაზე მეტად დაინტერესებულნი არიან სოციალური ცხოვრების სხვადასხვა ასპექტის ურთიერთქმედებით. ის შედარებით ახალი სამეცნიერო დისციპლინაა, რომელმაც საფუძველი [[XIX საუკუნე|მე-19 საუკუნის]] დასაწყისში ჩაიყარა.▼