აფთრისებრნი: განსხვავება გადახედვებს შორის

 

აფთარი გავრცელებულია თითქმის მთელ [[აფრიკა|აფრიკაში]], წინა, შუა და სამხრეთ-დასავლეთ [[აზია|აზიაში]] და აღმოსავლეთ [[ამიერკავკასია|ამიერკავკასიაში]]. ცნობილია აფთრის ოთხი სახეობა. [[ხალებიანი აფთარი]] (Crocuta crocuta) - ყველაზე დიდია აფთართა შორის, გავრცელებულია აფრიკის დიდ ნაწილში, [[საჰარა|საჰარის]] სამხრეთით. სხეულის სიგრძე 128-166 სმ, სხეული მოხატულია აქვს შავი ხალებით. [[ზოლებიანი აფთარი]] (Hyena hyaena) - გვხვდება ჩრდილოეთ და ჩრდილო-აღმოსავლეთ აფრიკაში, წინა, მცირე და შუა აზიაში, აღმოსავლეთ ამიერკავკასიაში. საქართველოში გვხვდება [[შირაქის ველი|შირაქიის]], [[ელდარის ველი|ელდარის]], [[ალაზანი|ალაზნის]], მარნეულისა და გარდაბნის ველებზე. წარსულში თბილისამდე აღწევდა. ამჟამად ყველგან დიდი იშვიათობაა. სხეულის სიგრძე 1 მეტრამდეა; რუხი ფერისაა, გასდევს განივი მუქი ზოლები. [[მენაპირე აფთარი]] (Parahyaena brunnea) - ცხოვრობს სამხრეთ აფრიკაში, ზღვის სანაპიროსთან. მუქი-მურა ფერისაა, განივი ზოლები მხოლოდ ფეხებზე ემჩნევა. [[მიწის მგელი]] (Proteles criastus) - გვხვდება სამხრეთ და აღმოსავლეთ აფრიკის ტრამალებში. აფთართა შორის ყველაზე მცირე ზომისაა. იკვებება ჭიანჭველებითა და ტერმიტებით.

 

[[კატეგორია:აფთრისებრნი|*]]