მადრეპოროვნები: განსხვავება გადახედვებს შორის

'''მადრეპოროვნები''' (Madreporaria), [[ნაწლავღრუიანები]]ს რიგი [[მარჯნის პოლიპები]]ს კლასისა. უმთავრესად ზღვის ფსკერზე მიმაგრებული კოლონიური ფორმებია. ზოგი ცალადი ფორმის (Fungia) [[დიამეტრი]] 25 სმ აღწევს, კოლონიის ცალკეული ინდივიდისა კი — 1 [[მმ]]-იდან 3 [[სმ]]-მდე. მადრეპოროვნების ძირითადი ნაწილია კირის ჩონჩხი, მოიცავს 2500-მდე სახეობას. ცხოვრობენ ძირითადად სუფთა, ჟანგბადითმდიდარ ნორმალურად მარილიან წყალში, არანაკლებ 20,5°C [[ტემპერატურა|ტემპერატურის]] პირობებში. ამის გამო მადრეპოროვნები ფართოდ არიან გავრცელებული [[წყნარი ოკეანე|წყნარი]] და [[ინდოეთის ოკეანე|ინდოეთის ოკეანის]], აგრეთვე [[კარიბის ზღვა|კარიბის ზღვის]] ტროპიკულ წყლებში არა უღრმეს 50მ-ისა. აქ მადრეპოროვნები ზღვის სხვა ორგანიზმებთან ერთად ქმნიან მარჯნის რიფებს, რომელთა ნაპრალებში ბინადრობენ სხვადასხვა [[უხერხემლოები]] და [[თევზები]]. ზღვის სიღრმეში (6000 მ-მდე) ბინადრობენ მხოლოდ პატარ-პატარა ცალადი ფორმები. ყოფილ სსრკ-ში მხოლოდ ცალადი ფორმები გვხვდება: [[ბარენცის ზღვა]]ში — Flabellum-ი და შორეულ აღმოსავლეთ ზღვებში — Caryophyllia.