გაბრიელი (ქიქოძე): განსხვავება გადახედვებს შორის

[[1856]] წელს ოჯახური ტრაგედიის გამო (მოკლე დროში გარდაეცვალა მეუღლე და ხუთი შვილი) ბერად აღიკვეცა და ეწოდა სახელი — გაბრიელი. [[1858]] წლის 5 იანვარს აყვანილ იქნა არქიმანდრიტის ხარისხში და დაინიშნა [[დავითგარეჯა|დავითგარეჯის]] წინამძღვრად. იმავე წლის 6 დეკემბერს გაბრიელი ხელდასხმულ იქნა [[გორის საეპისკოპოსო|გორის ეპისკოპოსად]] და საქართველოს ეგზარქოსის ქორეპისკოპოსად. ამასთანავე იგი ინიშნება ქართლ-კახეთის უწმინდესი სინოდის წევრად და შუამთის მონასტრის არქიმანდრიტად. [[1860]] წელს იგი იმერეთის ეპისკოპოსად დაინიშნა და ამ მოვალეობას ასრულებდა გარდაცვალებამდე. სხვადასხვა პერიოდში მართავდა [[აფხაზეთი]]სა (1869-1886) და [[სამეგრელო]]-[[სვანეთი]]ს (1873-1886) ეპარქიებს. 1863 და 1873 წლებში მოიარა [[სვანეთი]], ატარებდა წირვა-ლოცვებსა და ქადაგებებს.<ref>''წვერავა ვ.'' „საქართველოს საეგზარქოსოს სამისიონერო მოღვაწეობა XIX საუკუნეში — ქუთაისის სახელმწიფო უნივერსიტეტის გამომცემლობა, ქუთაისი, 2003 წ.</ref>

 

 

გაბრიელ ეპისკოპოსის პირადი არქივი დაცულია საქართველოს [[ხელნაწერთა ეროვნული ცენტრის საარქივო ფონდი|ხელნაწერთა ეროვნულ ცენტრში]].