'''ცრუმორიელები'''<ref name="ქსე" /> (Pseudoscorpiones) — ფეხსახსრიანთა რიგი ობობასნაირების კლასისა. მათი სხეულის სიგრძე 1–10 მმ აღწევს. თავმკერდი დაფარულია ქიტინოვანი ფარით. მის წინა ბოლოზე მოთავსებულია თვალები (1–2 წყვილი<ref name="დრე" />) და პირის ორგანოები — წყვილი ქელიცერი და წყვილი ყბაფეხი, რომელიც ბოლოვდება ძლიერ განვითარებული მარწუხით,<ref name="ქსე" /> ამით ისინი მორიელებს წააგვანან და ამიტომაც ეწოდებათ ასეთი სახელი. ქელიცერებზე იხსნება ქსელის ჯირკვლების სადინარები. მუცელი ფართოა.<ref name="დრე" /> ზოგი ცრუმორიელის მარწუხში შხამიანი ჯირკვალია. ცალსქესიანები არიან.<ref name="ქსე" /> რიგში 2000-მდე სახეობაა,<ref name="დრე" /> რომლებიც ფართოდ არიან გავრცელებული (განსაკუთრებით ტროპიკებსა და სუბტროპიკებში). ბინადრობენ ხავსში, ჩამოცვენილი ფოთლების, ქვისა და ქერქის ქვეშ, ადამიანის ბინაში (ხშირად წიგნსაცავში), ცხოველების სადგომში. იკვებებიან წვრილი მწერებით.<ref name="ქსე">{{ქსე|11|243||არა|სტატია=ცრუმორიელები}}</ref> სუნთქავენ ტრაქეით. განაყოფიერება ხდება სპერმატოფორების საშუალებით. კვერცხები ვითარდება დედლის გამოსაყვან კამერებში.<ref name="დრე">{{დრე წიგნი |სათაური=Ложные скорпионы |ტომი=17 |გვ=750 |id=2181994}}</ref>
